Vikan - 07.06.1999, Blaðsíða 2

Stefnir hátt í
2
Rósa Guðmundsdóttir er
forsíðustúlka Vikunnar
að þessu sinni. Rósa
hefur stundað nám í klassísk-
um píanóleik síðan hún var
fjögurra ára en undanfarin tvö
ár hefur hún einbeitt sér að því
að semja og flytja eigin tónlist.
Hún er búin að vera meira og
minna í New York þennan tíma
og segir mikilvægt að láta ekki
hraða og streitu stórborgarinnar
ná tökum á sér.
„Ég reyni að láta hverjum
degi nægja sína þjáningu og er
ekkert að velta því of mikið fyrir
mér hvernig framtíðin verður.
Ég fer til London í lok júní til að
vinna í upptökustúdíói og verð
við þá vinnu í 2-3 mánuði. Það
ræðst síðan þá hvað úr þessu
verður en ég nýt þess að vinna
við upptökur og er sífellt að ná
betri tökum á þeirri vinnu. Ég
færist sífellt nær því að verða
fullfær um að gera allt sjálf. Að-
alatriðið er að vera ánægð og
sátt við lífið."
Rósa hefur unnið við fyrir-
sætustörf og förðun. Hún hefur
leikið í sjónvarpsauglýsingum
og setið fyrir á myndum. Hún
hefur samt engan áhuga á að
leggja slíkt fyrir sig og hefur því
ekki sóst eftir því að tengjast
einhverri ákveðinni umboðs-
skrifstofu. Enginn vafi er á að ef
stúlkan kærði sig um gæti hún
náð langt á því sviði. Kjóllinn
sem Rósa er í hæfir henni ein-
staklega vel, hann er jafn ein-
stakur og fyrirsætan en kjólinn
hannaði Díana Ómel.
Hún ætlar að helga sig tón-
listinni og hefur auk píanósins
lagt stund á fiðlunám. Hún seg-
ir tónlistina sem hún semur
vera gerólíka þeim klassíska
bakgrunni sem hún hafi, þótt
þekking og reynsla njóti sín vel.
í raun sé hún þar að reyna eitt-
hvað alveg nýtt þar á meðal er
að syngja sjálf lögin sín. Rósa
vill lítið tala um verkefnin
framundan því henni er illa við
að spá og segja of mikið fyrr en
allt er orðið öruggt. Hún er ekki
ein um það enda er það ríkt í
íslendingum að gefa ekki of
mörg loforð fyrirfram.
M
Texti: Steingeröur Steínarsdóttir
Myndir: Björn Blöndal