Vikan - 07.06.1999, Blaðsíða 26

...
H V u n n d a 9 s Þ a n 4ik « a
Er tískan harðasti
húsbóndinn?
Höfundur:
María Solveig
Héðinsdóttir
essa dagana á tískan heldur
betur upp á pallborðið hjá
mér og mínum. Fjölskyldan,
ásamt gestum og gangandi, hefur
velt því fyrir sér, hversu áhrifamikil
tískan sé og hvort áhrifin séu til
góðs eða ills. í mínum huga er ljóst
að tískan er harður húsbóndi.
Óneitanlega er margt skemmtilegt í
sambandi við tískuna, og sumum
finnst gott, eða beinlínis nauðsyn-
legt, að hafa harðan húsbónda - en á
hinn bóginn vilja fæst okkar láta kúga sig (og/eða
sína) og gildir þá einu hvort kúgarinn er tískan eða
bara einhver annar.
Við sem eldri erum þykjumst oft ansi sjálfstæð þeg-
ar að tískunni kemur, a.m.k. er það þannig í mínum
saumaklúbbi. Við eigum það jafnvel til að hneykslast
á krökkunum okkar og svo segjum við sögur af elsku-
legu börnunum okkar, svona máli okkar til stuðnings.
Sögur um eltingaleiki við miða á tónleika, biðröð til
að kaupa ákveðna gerð af límmiðum, umræður um
hámarksfjárhæð sem verja má til kaupa á körfubolta-
myndum ... ogfatamálin eru alveg sér á báti. Ung-
lingarnir láta ekki bjóða sér hvað sem er, allir kann-
ast við umræðurnar um þá félaga Levi's, Tark og
Russell, og fast á eftir fylgja þær systur No Name,
No. 7 og Body Shop. Enn eldri unglingar, sérstaklega
ef þeir eru í Verzló, kannast við tilboðin sem Sævar
Karl sendir þeim - og við erum bara alveg skák og
mát, ekki vorum við svona, og ekki erum við svona!!!
Eða hvað!!!
En tískan kemur víða við og kannski víðar en við
viljum vera láta. I rauninni er það þannig að flest
okkar reyna að tolla í tískunni (og mér finnst það nú
bara ansi skemmtilegt)! Við stelpurnar í sauma-
klúbbnum látum okkur hafa það að fara l.d. í strípur
(það tekur um það bil ÞRJAR klukkustundir í hvert
sinn), við blásum, krullum og setjum rúllur í hárið,
við förum jafnvel á snyrtistofur (svona til hátíða-
brigða) og látum snurfusa á okkur hina ýmsu líkams-
parta (andlit, hendur. fætur - dásamlegt), við setjum á
okkur "andlitsfarða" hvern dag, naglalakkið spillir
nú ekki fyrir og okkur er alls ekki sama í hvernig
fötum við erum. Strákarnir eru engir eftirbátar okk-
ar hvað tískuna varðar. Reyndar virðast þeir flestir
leggja heldur minna upp úr strípunum og andlitsfarð-
anum, en þeir bæta það upp (með okkar aðstoð) á
öðrum sviðum. Golfsettin, GSM- símarnir, veiði-
græjurnar, að ógleymdum bflunum okkar, eru einnig
talandi dæmi um áhrifamátt tískunnar. Meira að segja
ákveðin áhugamál geta verið í tísku, hérna um árið
voru það gönguskíði, svo kom skokkið og golfið, og
núna er það víst "spinning" og það að ganga "Lauga-
veginn". Tískan kemur alls staðar við sögu, mismun-
andi uppeldisstefnur hafa verið í tísku, fyrst átti að
banna, svo mátti ekki banna, svo skipti tímamagnið,
sem foreldrar voru með börnum sínum, öllu máli, svo
hætti það að skipta máli og þá fóru gæði tímans að
skipta máli, svo hætti það og núna skiptir tímamagnið
og gæði tímans máli! I menningu og listum setur
tískan einnig sinn svip á. Fyrir nokkrum árum elt-
umst við fullorðna fólkið við koppa og kirnur úr leir
(fyrst var leirinn með hrauni, svo mátti alls ekki vera
hraun), þeir sem voru aðeins eldri söfnuðu "máva-
stellinu", en núna dreymir okkur urn marglit og
ósamstæð bollastell! Myndlistin, tónlistin, bók-
menntirnar, leiklistin - allt er þetta spurning um tísku
- að minnsta kosti svona í bland.
Já, tískan er stór hluti af nútíma tilveru. Flún
stjórnar ekki eingöngu lífi og tilveru unga fólksins
okkar - við þessi fullorðnu og sjálfstæðu döðrum heil-
mikið við hana. Við tölum oft illa um tískuna, en hún
er nú bara ansi mikið krydd í tilveruna og ekki spillir
hún blessuðum hagvextinum!
MSH
26 Vikan