Vikan - 28.09.1999, Page 62

Ekki missa af...
... Marshalls. Flestum íslendingum finnst jafnan ómissandi aö versla töluvert þegar þeir ferðast erlendis og gera góö kaup. Marshall's og T.J. Max
eru verslanir sem enginn í verslunarhugleiðingum ætti að láta fram hjá sér fara. Hér er hægt að gera reifarakaup því þessar búðir selja föt á frábæru
verði fyrir bæði börn og fullorðna frá þekktum tískuhúsum eins og Calvin Klein, Ralph Lauren, Levi's, Old Navy, Guess, Donnu Karan og Tommy Hilfi-
ger. Bara til þess að gefa örlitla hugmynd um verðlag þessara verslana þá er hægt að fá þar Calvin Klein gallabuxur á börn fyrir 1200 krónur, íslensk-
ar, Ralph Lauren skyrtur fyrir bæði dömur og herra á 1800. Liz Claiborne dragtir og kjólar fást á u.þ.b. 4000-5000 þúsund krónur. Marshall's og T.J.
Max eru með verslanir í miðborg Minneapolis, t.d. í Minneapolis City Centre.
... Pizza Lucé. Að öðrum ítölskum veitingahúsum ólöstuðum,
þá er Pizza Lucé einfaldlega með bestu pizzurnar í Minneapolis
og allt frá 1996 hafa þær árlega fengið nafnbótina ,,bestu pizz-
ur í borginni". Veitingasalurinn er frekar einfaldur og andrúms-
loftið er mjög afslappað. Pizza Lucé hefur fengið það orðspor
að vera með þægilega þjónustu og hagstætt verð. í hádeginu
og á kvöldin er mikið að gera og gaman að virða fyrir sér fjöl-
breytileika mannlífsins. Gestir staðarins eru afar blandaður
hópur; jakkafataklæddir menn úr viðskiptalífinu losa um bindið
og brosa til pönkaranna og hippanna á næsta borði, á meðan
eldfjörugt starfsfólkið ber gómsætar pizzur og spennandi kok-
teila í gestina. Pizza Lucé er á 119 North Fourth Street og stað-
urinn er opnn fram yfir miðnætti.
... Mississippi. Gamla, góða Mississippiáin hefur sterka nærveru í
Minneapolis og rennur hún í gegnum miðborgina. Hún er í raun
hið eiginlega hjarta borgarinnar. Umhverfi árinnar er líflegt menn-
ingar- og útivistarsvæði sem kallast Mississippi Mile í daglegu
tali. Það er kjörinn staður fyrir fjölskyldur og ferðalanga til að njóta
góðra stunda saman í fallegu umhverfi. Stone Arch Bridge, byggð
1883, tengir svo saman austur- og vesturbakkann. Svæðið er
mjög vinsælt hjá hjóireiðafólki og þeim sem njóta þess að þeysast
um á línuskautum. Þetta er einstaklega falleg gönguleið og tilvalin
leið til þess að skoða sögulega staði í elsta hluta borgarinnar.
Einnig er tilvalið að bregða sér út á bát með góðar veitingar í
farteskinu og njóta útiverunnar.