Menntamál - 01.09.1941, Qupperneq 23

MENNTAMÁL
69
SKIPULAGSSKRÁ
fyrir barnaskólasjóð Ágústs Þórarinssonar
og Ásgerðar Arnfinnsdóttur.
1. gr. Sjóðurinn er stofnaður 6. september 1940 á gull-
brúðkaupsdegi Ágústs Þórarinssonar kaupmanns í Stykkis-
hólmi og frú Ásgerðar Arnfinnsdóttur með gjöfum frá
Stykkishólmsbúum. Stofnfé sjóðsins er 1020 krónur.
2. gr. Sjóðinn skal ávaxta í Sparisjóði Stykkishólms, og
leggja jafnan við hann % hluta ársvaxta, en höfuðstólinn
má aldrei skerða.
3. gr. Þremur fjórðu hlutum ársvaxtanna skal verja til
þess að viðhalda bókasafni því, er gullbrúðhjónin ánöfnuðu
barnaskóla Stykkishólms eftir sinn dag, svo og til þess að
auka það.
Framkvæmdir allar hér að lútandi hefur skólanefnd
Stykkishólms á hendi.
4. gr. Þegar sjóðurinn er orðinn að upphæð 5000 krónur,
má verja y3 hluta þeirra vaxta, er til úthlutunar koma, til
verðlauna námfúsum og siðprúðum nemendum, að dómi
kennara skólans og skólanefndar, þó aldrei fleirum en 2
á ári. Skólanefnd úthlutar.
5. gr. Leita skal staðfestingar konungs á skipulagsskrá
þessari.
Tíminn einn getur leitt það í ljós, hversu vel þessi fallega
gjöf mun vaxtast, hve mörgum börnum hún verður til
blessunar og þroska, og hvernig það á eftir að birtast i
lífi þeirra og starfi fyrir land og þjóð. En svo mikið er þó
víst, að þeir vextir eru enn betri en af hringnum Draupni,
sem átta hringar drupu af jafnhöfgir níundu hverja nótt,
og með þessu er gefin öðrum fyrirmynd og bending um það,
að ekkert sé jafnmikil trygging þjóðargiftu eins og það, sem
gjört er af skilningi og kærleikshug fyrir börnin.
Þess er óskandi, að dæmi þeirra hjónanna í Stykkishólmi
verði mörgum öðrum til eftirbreytni.