Menntamál - 01.02.1975, Blaðsíða 37

aðar kannanir í Bandaríkjunum,11 það sýnir,
að hér er ekki um sérkenni hins íslenska prófs að
ræða, heldur er hér um að ræða almenn — og
nú orðið alþekkt — atriði í sambandi við stöðug-
leika greindarvísitölu eins og hún mælist með próf-
um sem þessu. Því er vert að endurtaka það, sem
áður var sagt, að ekki skyldi byggja veigamiklar
ákvarðanir á niðurstöðu eins slíks prófs, hve áreið-
anlegt sem það er. Það verður að hafa í huga, að
sá einstaklingur, sem um er verið að fjalla, gæti
verið einn þeirra, sem sýna verulegt flökt í mældri
greind.
TAFLA V
Breytingar á greindarvísitölu frá fyrsta til sjötta
bekkjar. Greindarpróf Matthíasar Jónassonar.
Breyting Lægri á seinna prófi Hærri á seinna prófi Sam- tals °/ /o
0 stig 16 6,01
1- 5 stig 54 56 110 41,35
6-10 stig 31 24 55 20,68
11-15 stig 24 20 44 16,54
16-20 stig 10 11 21 7,89
21-25 stig 7 4 11 4,14
26-30 stig 2 5 7 2,63
31-35 stig 1 1 2 0,75
Samtals: 129 121 266 99,99
Nióurstödur og ályktanir: Tveir heilir árgangar
fyrstu bekkinga í barnaskólum Kópavogs, 300
börn alls, voru greindarprófuð með greindarprófi
Matthíasar Jónassonar. Af þeim voru 266 endur-
prófuð í sjötta bekk. Athugaður var stöðugleiki
greindarvísitölunnar eins og hún mælist með þessu
prófi.
Fylgni var reiknuð milli útkomu úr prófinu í
fyrsta bekk og sjötta bekk og fylgnitalan borin
saman við niðurstöður sambærilegra athugana,
sem gerðar hafa verið á Stanford-Binet prófinu í
Bandaríkjunum. íslenska prófið stenst þann sam-
anburð. Miklar breytingar verða þó hjá nokkrum
einstaklingum, en einnig þær eru sambærilegar við
það, sem fundist hefur við bandarísku rannsókn-
irnar. Það má því álykta, að íslenska prófið sé
jafn áreiðanlegt og slík próf geta verið eða voru,
þegar prófið var gert.
íslenska prófið er ekki staðlað eftir normal kúrfu,
greindarvísitalan er reiknuð sem hlutfall milli
greindaraldurs og lífaldurs. Meðaltöl og staðalfrá-
vik eru því breytileg eftir aldri og kynjum, stundum
allverulega, og það verður að hafa í huga, þegar
niðurstöður prófsins eru notaðar. Það væri æski-
legt, bæði vegna þessa og vegna aldurs prófsins,
að endurstaðla það og setja meðaltalið 100 og
staðalfrávikið 15 eða 16 fyrir alla árganga.
Þ. J. K.
TILVITNANIR:
1 Cronbach, Lee J.: Essentials of Psychological
Testing. New York: Harper and Row, 1960, bls.
176.
2 Matthías Jónasson: Greindarþroski og greindar-
próf. Reykjavík: Menntamálaráðuneytið, 1956,
bls. 7.
3 Sama rit, bls. 49.
4 Sama rit, bls. 46-48.
5 Sama rit, bls. 20.
6 Sama rit, bls. 21.
7 The Harvard Growth Study, frásögn Dearborn
og Rothney. Tekið hér skv. endursögn Bayley, N.:
„Consistency and Variability in the Growth of
Intelligence from Birth to Eighteen Years“. Journal
of Genetic Psychology, 1949, 75, bls. 171.
8 Bayley, N.: Sama grein, bls. 169-171.
9 Sama grein, bls. 183.
10 Honzik, McFarlane and Allen: „The Stability
of Mental Test Performance Between Two and
Eighteen Years“, JournalofExperimental Education
17, 1948, bls. 309-324.
11 Cronbach, Lee J.: Sama rit og að ofan, bls.
177-179.
MENNTAMÁL
35