Vorið - 01.03.1963, Side 10

reka frá. Að því loknu röltum við heim
á leið í hægðum okkar. Það var glaða-
sólskin um allan Skagafjörð, einstöku
skuggar kúrðu þó enn til og frá í kletta-
giljunum í fjallinu, en þeirra dagar
mundu nú brátt taldir. Hvergi sást rjúka
á bæjunum, en langt í norðri bar svart-
an reykjarstrók við loft. Þar var hafið
og þetta mundi vera skip á siglingu.
Fyrir sunnan Stóragrjót fellur lítill
lækur niður brekkurnar. Eru sums stað-
ar í honum smáfossar og bunur, en
bakkarnir víða vafðir grasi. Þegar ég
stökk yfir Grjótlækinn, fiaug grátittling-
ur út úr grasinu í lækjarbakkanum. Ég
gætti betur að og fann þarna hreiður.
Bakkinn var á þessum stað nokkuð bár
og beint neðan undir hreiðrinu hylur,
en ofan í hann féll lækurinn í dálítilli
bunu. Ég varð að leggjast á magann og
teygja mig fram yfir bakkann til þess
að sjá inn í hreiðrið, en í því voru 5
undurlítil egg. Móri kom og vildi líka
fá að skoða, en ég vísaði honum frá
með harðri hendi. Það hafði komið
fyrir, að liann hafði eyðilagt hreiður,
og hann varð alveg óður og ær, þetta
letiblóð, ef á vegi hans urðu illa fleygir
ungar.
Eg setti vel á mig staðinn, kallaði á
Móra og síðan héldum við heim. Ekki
gleymdi ég að gera því skil, sem eftir
var á diskinum mínum, áður en ég fór
að hátta. Mér fannst þetta hafa verið
góð nótt og kveið ekkert fyrir þeim
næstu. Framh.
VERÐLAUN FYRIR
FJÖLGUN KAUPENDA
Vorið hefur ókveðið að veifa þrenn myndarleg vcrðlaun þeim útsölumönn-
um, sem útvega FLESTA nýja óskrifendur.
VERÐLAUN ERU ÞESSI:
Parkerpennasett
Bakpoki
Pottasett í útilegu
Auk þess verða veitt bókaverðlaun þeim, sem næstir ganga með útvegun
nýrra óskrifenda.
Þar að auki fó nýir óskrifendur siðasta órgang ókcypis ó meðan upplagið
endist, ef greiðsla fylgir pöntun, en það er fremur lítið að þessu sinni.
Hcfjið nú sókn og útvegið Vorinu sem flesta nýja óskrifendur.
HVERJIR HLJÓTA VERÐLAUNIN?
6 VORIÐ