Bjarmi - 01.06.1996, Qupperneq 3
Trúarlegt efni í fjölmiðlum
Staldrað
við
Fjölmiðlar hafa mikil áhrif, líklega eru þau meiri en okkur grunar. Sjálfsagt má lengi
rökræða stöðu þeirra og hlutverk en líklega vildum við fæst vera án þeirra. Við getum
einnig rætt fram og aftur um það efni sem er að finna í fjölmiðlum. Skoðanir á efnisvali
og efnistökum þeirra eru ugglaust álíka fjölbreyttar og fólk er breytilegt. í þessu
tölublaði Bjarma er sjónum m.a. beint að trú og fjölmiðlum. Sumir kunna að segja að
trúarlegt efni eigi varla heima í almennum fjölmiðlum þar sem um svo persónulegt málefni sé að
ræða. Aðrir kvarta yfir því hve lítið þeir fjalla um kristna trú og gildismat og telja þá jafnvel halda
á lofti allt annars konar viðhorfum en kristnum. Enn aðrir reyna að halda úti kristilegum
fjölmiðlum sem hafa það markmið að boða kristna trú og fræða um hana.
Miðað við þau miklu áhrif sem fjölmiðlar hafa er eðlilegt að kristið fólk notfæri sér þá til að
koma kristnum boðskap og fræðslu á framfæri. Það er m.a. hægt með því að koma á fót
kristilegum fjölmiðli og ná þannig til fólks
en búast má við að það sé að nokkru leyti
afmarkaður hópur sem hefur hvort eð er
áhuga á málefninu. Hin leiðin er því ekki
síður mikilvæg að reyna að komast inn í
almenna fjölmiðla með kristilegt efni. Nú er
reyndar dálítið af slíku efni í sumum þeirra en miðað við fjölda þeirra, útsendingartíma og
tölublaðafjölda er hlutfallið hverfandi i þeim flestum. Þess vegna er ástæða til að hvetja kristið
fólk til að koma kristilegu efni á framfæri við fjölmiðlana. Sumir þeirra munu án efa taka því
fegins hendi ef um vel unnið og vandað efni er að ræða. Einnig má ætla að þeir sem njóta,
lesendur blaða, hlustendur útvarps og áhorfendur sjónvarps, yrðu margir þakklátir. Ritstjórum og
dagskrárstjórum má einnig benda á að áhugi á efni af þessum toga er líklega meiri en menn gera
sér grein fyrir.
Trúarbrögð, trú og trúariðkun er snar þáttur mannlífs og menningar. Það er þvi sérkennilegt að
sniðganga þann þátt eða gera hann homreka í fjölmiðlum. íslenskt samfélag og menning hefur
mótast af kristni nánast frá upphafi. Siðferði og réttarfar byggist á kristnum viðhorfum og
gildismati að vemlegu leyti. Þvl ætti það að vera eðlilegt að fjölmiðlar landsins fjalli í rikari mæli
en nú er um Biblíuna, kristna trú, trúararf og trúariðkun. Menningaráhrif
fjölmiðla em mikil. Ef við viljum standa vörð um áhrif kristinnar trúar og
siðgæðis á menningu okkar og samfélag verða fjölmiðlarnir að taka þátt í
því og eðlilegt er að gera þá kröfu til þeirra. Kristið fólk í
landinu þarf einnig að vera vakandi og taka höndum
saman um að láta fjölmiðlana vita ef því líkar vel eða
mislikar það sem gert er.
Þegar Páll postuli var i Aþenu (Post. 17) notaði hann
tækifærið dag hvem og ræddi við menn á torginu. Segja
má að torgið hafi verið fjölmiðill síns tíma. Fjölmiðlarnir
eru „torg“ nútimans í þeim skilningi að þar getur fólk
komið skoðunum sínum á framfæri og þar er unnt að
miðla margvíslegum upplýsingum. Við sem teljum
okkur kristin eigum að notfæra okkur þau „torg“ til að
ná til fólks.
Kristilegt tímarit
Útgefendur: Kristilega skólahreyfingin,
Landssamband KFUM og KFUK og
Samband íslenskra kristniboðsfélaga.
Ritstjóri: Gunnar J. Gunnarsson.
Ritnefnd: Benedikt Arnkelsson,
Guðmundur Karl Brynjarsson, Henning
Emil Magnússon, Kjartan Jónsson og
Þórunn Elídóttir.
Afgreiðsla: Aðalskrifstofan, Holtavegi 28,
pósthólf 4060,124 Reykjavík,
simi 588 8899, bréfsími 588 8840.
Árgjald: Kr. 2.700,- innanlands,
kr. 3.200,- til útlanda. Gjalddagi 1. mars.
Verð í lausasölu kr. 500,-
Umbrot: SEM ER útgáfa / Tómas Torfason.
Ljósmyndir: Magnús Fjalar Guðmunds-
son, o.fl.
Prentun: Borgarprent.
Efni:
Staldrað við:
Trúarlegt efni í fjölmiðlum............ 3
Brotið til mergjar:
Kjatan Jónsson
Kristin trú og fjölmiðlar.............. 4
Brotið til mergjar:
Ríkisútvarpið, fjölmiðill
allra landsmanna.......................10
/ brennidepli:
Trúarviðhorf verðandi forseta..........12
Viðtal:
Feður okkar í trúnni mörkuðu brautina
- rætt við Aðalstein Thorarensen.......14
Ástráður Sigursteindórsson:
Vakið — verið viðbúnir.................17
Af vettvangi:
Kristniboð og hjálparstarf í kirkjunni.20
Á dagskrá:
Helstu uppákomur á vegum kristilegu
félaganna sumarið níutíu og sex........21
Umvíðaveröld...........................22
Hvað erTaizé?..........................23
Sr. Bryndís Malla Elídóttir:
Þegar ég var barn......................24
Ljóð:
Framgölluð albúm-koma í Ijós...........25
Innlit:
Trúarvitnisburður Biblíunnar er bæði
tímabær og áreiðanlegur................26
Menning og listir:
DC TALK................................28
Þórdís Ktara Ágústsdóttir:
Berum unhyggju fyrir börnum okkar.....30
3