Bjarmi - 01.06.1996, Síða 12

í BRENNIDEPLI
Trúarviðhorf
verðandi
forseta
— nokkrar spurningar lagðar fyrir frambjóðendur
Varla hefur farið fram hjá mörgum
þegnum þessa lands að hinn 29.
júní næstkomandi verður kosinn
forseti íslands, hinn fimmti í röð-
inni. Að þessu sinni eru fimm
forsetaefni í kjöri en kosningabaráttu þeirra
hefur verið komið ríkulega á framfæri við
þjóðina undanfarnar vikur og mán-
uði. Landsmenn hafa getað
hitt forsetaefnin í eigin persónu á kosninga-
skrifstofum þeirra eða á opnum fundum og um-
fjöllun um þau og auglýsingar frá þeim sjálfum
(oftar en ekki í fylgd með mökum sínum) prýða
flesta prent- og ljósvakamiðla. Þrátt fyrir ítarleg
viðtöl fjölmiðlanna við alla frambjóðendur
hefur ekki farið mikið fyrir umræðum um
trúmál og þaðan af síður um trúarlíf
þeirra og afstöðu til kristinnar
trúar og siðferðisgilda.
Slíkt hlýtur þó að
skipta tölu-
verðu máli, ekki síst í ljósi stöðu forsetans
gagnvart kirkjunni.
í sextugustu og annarri grein stjórnarskrár-
innar kveður á um að Hin evangelíska
lútherska kirkja skuli vera þjóðkirkja á íslandi
og ríkisvaldið skuli styðja hana og vernda að
því leyti. í annarri grein segir að forseti íslands
fari bæði með löggjafar- og framkvæmdavald
ásamt Alþingi og öðrum stjórnvöldum en í 11.
grein kemur fram að forsetinn sé ábyrgðarlaus
gagnvart öllum stjórnarathöfnum. Þrettánda og
fjórtánda grein fjalla um að forsetinn láti ráð-
herra framkvæma vald sitt og hinir síðarnefndu
séu ábyrgir fyrir öllum stjórnarframkvæmdum.
Með þeim hætti er dóms- og kirkjumála-
ráðuneyti falið að fara með mál kirkju- og
safnaða (Lögnr .96 frá 1969). Forseti
íslands er því æðsti maður
þjóðkirkjunnar þó að hann
hafi ekki bein afskipti af
innri málum hennar.