Bjarmi - 01.06.1996, Page 28

MENNING OG LISTIR
- hljómsveit með skýran boðskap
Margir hafa reynt að miðla fagnaðarerindinu gegnum tíðina með margvís-
legustu aðferðum. Það er kominn tími til að lesendur Bjarma fái innsýn
í heim þeirra sem fást við að miðla fagnaðarerindinu með hjálp nútíma
dægurtónlistar. Hrönn Svansdóttir er verslunarstjóri í Jötunni og er því vel að
sér um þetta málefni. Hún leiðir okkur í allan sannleik um hljómsveitina DC
TALK
Ævintýrið hófst þegar Toby Mckeehan og Michael Tait
hittust í Liberty University í Virginíu á 9. áratugnum og
urðu góðir vinir, grunlausir um í hvað stefndi. Þeir vissu
þó að Michael söng og Toby rappaði og saman sömdu þeir
lagið Heaven Bound. Félögum þeirra á heimavistinni
likaði tónlistin þeirra svo vel að þeir héldu ótrauðir áfram
og u.þ.b. ári seinna bættist Kevin Smith í hóp þeirra vina.
Árið 1989 gerðu þeir plötusamning og fóru í tónlistarferð
með DeGarmo and Key og einnig með Michael W Smith.
Þroski og þróun
Frá þessum tíma hefur tónlist þeirra þróast og persónur
þeirra þroskast. Eftir að hafa ferðast saman í fjögur ár kom
út diskurinn Free At Last og þá fóru samvinnan og reynsl-
an að skila sinu, bæði hvað varðaði söng og textasmíði.
Þessi diskur sló öll fyrri sölumet hljómsveitarinnar er
hann seldist í yfir milljón eintökum. Þá náðu þeir til
breiðari hóps með fagnaðarerindið. Mörgum finnst
kannski skrítið að eftir mikla velgengni Free At Last að
þeir skyldu breyta um stíl og snúa sér frá rappi, poppi og
soul að stíl sem kallast „Postgrunge Seattle." Eftir miklar
umræður varð niðurstaða þeirra sú að ekki ætti að dvelja í
fortíðinni heldur halda þróuninni áfram og út. kom lista-
verk sem margir hafa haft mikla ánægju af: Jesus Freak. Á
þeim diski er ekki eitthvað sem kallast stíll Tobys eða lag
eftir Kevin heldur sameinast það besta frá þeim öllum og
útkoman er betri en nokkur þorði að vona.
Fagnaðarerindið umbúðalaust
Það hefur oft farið þannig þegar kristnir tónlistarmenn ná
góðri sölu og verða að stórstjörnum þá draga þeir í land
og boðskapur textanna verður tvíræður. Þannig er því
ekki farið með DC TALK og ber nýjasti titillinn þess
merki. Textar þeirra fjalla á hreinskilnislegan hátt um það
sem þeir eru að fást við í lífinu, t.d. togstreituna á milli
frægðar og frama og þess sem Biblían kennir um að vera
auðmjúkur og ábyrgð kristins manns gagnvart náung-
anum, þ.e. gleði og sorgir hins kristna einstaklings. Þeir
telja að það eigi að tala um Jesú á opinskáan hátt. Það á
ekki að draga upp glansmynd af lífi kristinna manna.
Mörgum finnst þeir eflaust fullfrakkir 1 söngtextum
sínum en þeir telja að þeirra kynslóð kunni að meta
hreinskilni og það er án efa rétt enda hefur það skilað sér í
söluaukningu. Oft eru skilin ekki skörp á milli trúboðs og
skemmtanaiðnaðar en þeir hafa það að markmiði að fylgja'
28