Bjarmi - 01.11.1996, Blaðsíða 16

BROTIÐ TIL MERGJAR , , , „ ,
einangrao sig. Við erum ósammála þeim í túlkun þeirra á
skírninni og ýmsum öðrum atriðum."
Hver er afstaða ykkar til trúarjátninga íslensku
þjóðkirkjunnar?
„Við erum hjartanlega sammála postullegu trúaijátning-
unni nema þessu um hina heilögu, almennu kirkju. Við
túlkum það þrengra. Pegar við tölum um kirkju, eigum við
við þá, sem eru lifandi trúaðir. Kirkja Jesú Krists er samsett
af þeim einstaklingum, sem trúa á hann og eru kristnir í
orði og verki. Á þá heilögu, almennu kirkju trúum við,
ekki heilaga, almenna, lútherska kirkju.“
Hafið þið tekið afstöðu til annarra trúarjátninga eins og
Níkeujátningarinnar og Aþanasiusarjátningarinnar?
„Nei. Við erum mjög lítið fyrir trúarjátningar. Við höf-
um okkar ákveðna kenningargrundvöll, en trúarjátningar
förum við ekki með.“
Hver er afstaða þín til þeirra deilna, sem átt hafa sér stað
innan þjóðkirkjunnar á þessu ári?
Pegar við tölum um kirkju, eigum við við Jtá,
sem eru lijandí trúaðir. Kirkja Jesú Krists er
samsett aflpeim einstaklingum, sem trúa á
hann og eru kristnir í orði og verki.
„Sorg. Það er bæn í huga mínum, að það megi koma
góðir hlutir út úr þessu. Kannski var þetta óumflýjanlegt,
vegna þess að innan kirkjunnar hafa rúmast svo margar
leiðir og svo margar skoðanir, að þær hlutu að verða fyrr
eða síðar að deiluefni. Vonandi verður þetta til þess, að
kirkjan móti sina stefnu inn í nýja öld á þann hátt, að hún
verði ennþá sterkari og tali á markvissari og beinskeittari
hátt til þjóðarinnar og þegar hún verður skilin frá ríkinu,
verði það henni til lífs og hjálpar."
Hvaða áhrif myndi það hafa á samskipti hvítasunnumanna
við íslensku þjóðkirkjuna, ef hún tceki að gefa saman
samkynhneigð pör í hjónaband?
„Það myndi verða vík milli vina. Það eru hlutir sem við
myndum ekki verða hrifin af.“
Hver er afstaðaykkar til skírnar í Jesú nafni?
„Hún er viðurkennd sem niðurdýfingarskírn, en við
teljum, að orð Jesú Krists um hvernig eigi að skíra séu þau
orð, sem fara eigi eftir. Við teljum, að góð rök séu fyrir
orðum Jesú í skírn hans eins og kemur fram í guðspjöll-
unum, en þau taka fram nærveru hans náttúrlega, rödd
Föðurins og dúfuna sem tákn Heilags anda. Við trúum að
þessi þrefaldi vitnisburður i skíminni sé bæði mjög góður
og gildur. Við viljum fylgja orðum Jesú sjálfs."
Hverníg hafið þið brugðist við þeim safnaðarmeðlimum,
sem kosið hafa að taka endurskírn í Jesú nafni?
„Við höfum svo sem ekkert bmgðist við þeim neitt á
annan hátt en þann, að okkur þykir það mjög leiðinlegt,
þegar menn hafa kosið að gera slíkt. Við teljum, að það
séu tvær meginstefnur í skírnarskilningi. Annars vegar er
það barnaskimin og hins vegar niðurdýfingarskimin. Þar
á milli er ákveðinn grundvallar- ágreiningur, sem hefur að
gera með hlutverk einstaklingsins í skírninni. Ég held, að
við séum mjög sammála lúthersku kirkjunni um, að frelsið
sé gjöf Guðs, en frelsið er eitthvað sem maðurinn þarf að
taka á móti. Við teljum að biblíulega séu til mjög góð rök
fyrir niðurdýfingarskím. Það er skím, sem við vitum, að var
framkvæmd. Bamaskímin kemur eftir á. Okkur finnst hún
of lituð af hefðinni og hafa miklu minni biblíulegan bak-
gmnn heldur en niðurdýfingarskírnin. Við lítum á skírn
Krossins sem niðurdýfingarskírn og eigum þvi erfitt með
að skilja, hvers vegna menn endurtaka hana, því að hún
er hjá báðum aðilum sáttmáli góðrar samvisku, og að baki
henni liggur þessi biblíulegi skilningur, að einstaklingur,
sem er kominn til vits og ára, tekur slna persónulegu af-
stöðu og staðfestir hana með því að ganga undir vatnið.
Orðið baptismó þýðir að láta niðurdýfast.“
Geta allir trúaðir, kristnir mennfengið niðurdýfingarskím hjá
ykkur, enda þótt þeir vilji ekkí ganga í hvítasunnukirkjuna?
„Almennt talað, þá skírum við fólk, sem vill vera í
söfnuðinum. Það er meginatriði. í einstaka tilfellum
höfum við gert undanþágu frá því, ef fólk tilheyrir öðru
samfélagi, þar sem niðurdýfing er annað hvort ekki viður-
kennd eða fólk sækir það mjög fast. Þá gemm við það ein-
staka sinnum. Meginstefna hvítasunnumanna er að skíra
og kenna, þannig að við höfum haldið tiltölulega fast við
þá meginreglu."
Hvaða vœntingar hefur þú tíl hvítasunnukirkjunnar á
komandi öld?
„Ég, hef miklar væntingar. Hvítasunnuhreyfingin hefur
í dag bæði sögu og mikla reynslu, og hún hefur vaxið
mjög mikið. Að öllum öðrum söfnuðum og kirkjum
ólöstuðum má segja, að þessi öld hafi verið öld Heilags
anda framar öllu öðm. Það hefur sett mest svip sinn á
kristna kirkju og kirkjuvöxt. Ég tel þess vegna, að við
höfum mjög góðan gmnn til að byggja á og góða og vel
útfærða guðfræði, sem smám saman hefur orðið til og
vaxið fram. Ég tel, að á nýrri öld muni vöxtur, framgangur
og áhrif þessar hreyfingar verða meiri og meiri, en fyrst og
fremst bið ég þess, að hvítasunnuhreyfingin megi varðveita
neistann og eldinn, þegar við göngum inn í nýja öld, þá
megi það vera með þessari sömu brennandi löngun að sjá
líf einstaklinga breytast og sjá sterka og góða söfnuði vaxa
upp og heyra orð, sem skiptir máli og er bæði salt og ljós
inn i þjóðfélag okkar,“ sagði Hafliði að lokum.
Bjarni Randver Sigunúnsson
16