Bjarmi - 01.11.1996, Blaðsíða 20

Í landi myrkursins
Hjónin Ragnheiður Guðmundsdóttir og Karl
Jónas Gíslason eru nýkomin heim frá
Eþíópíu þar sem þau dvöldust síðastliðin
fjögur ár ásamt bömum sínum Ástu Marlu og
Gísla Davlð við kristniboð. Þau eru í blóma
lífsins, ung og fjörleg, og gætu lifað í vellystingum og alls-
nægtum heima á Fróni. Hvað i ósköpunum dró þau til
lands fátæktar og fáfræði, til hinnar svörtu Afríku?
Kalli: - Ég hef alltaf ætlað mér að fara þangað. Ég bjó i
Eþíópíu til 9 ára aldurs og veit að þar býr fólk sem þekkir
ekki ljósið og lifir í svörtu myrkri. Mig langaði til að segja
því frá Jesú Kristi, frelsara heimsins.
Raggý: - Ég var i sunnudagaskóla hjá Kristniboðs-
sambandinu þegar ég var lítil og þá ákvað ég að verða
kristniboði. Þegar við Kalli fórum að vera saman spurð-
um við hvort annað fljótlega um kristniboðsáhuga hins.
Hvernig er petta myrkur?
- Svart. Heiðni er mikil, maður sér hana næstum alls
staðar í kringum sig. Til dæmis fer Eþíópi aldrei einn út
að nóttu til af ótta við myrkrið og það sem i því býr.
Hvar i Eþíópíu vomð þið og hvað voruð þið að geral
- Fyrst vorum við eitt ár i málanámi frá ágúst ‘92-’93 í
höfuðborg Eþíópiu, Addis Abeba (en það þýðir nýtt blóm).
Frá sumrinu ‘93 fram í febrúar ‘95 vorum við í um 20
20