Heima er bezt - 01.11.1956, Síða 4

DAVIÐ STEFANSSON
FRÁ FAGRASKÓGI
JÓLABRÉF
frá dúfunum
fjarverandi konu
10. desember 1956.
Það er okkur sjálfum sumarauki
að senda þér jólabréf,
og til þín hugsa fátækir fuglar,
ef finna þeir korn í nef.
En bak við hús þitt er bezt að vera,
er blása veður hörð.
Þar eru spor þín gaddi grafin,
en geymd — í frjálsri jörð.
Þó falli skuggar dapurra daga
á diifunnar perluglit,
má ennþá heyra frelsinu fagnað
í fuglsins vængjaþyt.
En aðgát þarf til að eygja í snjónum
hvert örlítið korn og fræ,
og eins og fyrr eru friðlausar dúfur
á flögri um allan bæ.
344 Heima er bczt