Heima er bezt - 01.08.1983, Blaðsíða 13

Það kom mér dálítið á óvart, þegar skógarvörðurinn í
Vaglaskógi í Fnjóskadal, sagði í útvarpsviðtali nýlega að
viðurinn, sem höggvinn var í skóginum á fyrri stríðsárun-
um og nota átti til eldiviðar á Akureyri, hafi verið fluttur
yfir Vaðlaheiði á hestum. Það rétta í málinu er að viðurinn,
sem höggvinn var í skóginum, var bundinn í knippi og þau
látin í Fnjóská snemma vors. Áin átti svo að bera knippin
með sér niður Fnjóskadal, þegar hinn vanalegi vorvöxtur
kæmi í hana. En sá vöxtur brást að mestu þetta vor og fór
allt sumarið í að koma viðnum niður eftir ánni að Nesi í
Höfðahverfi. þar sem stafla átti knippunum á sjávar-
kambinn.
Vonin, nœst okkur á myndinni, skip Bjarna Einarssonar, 11
Hinir bátarnir eru Anna, síðan skúta sem
úr Vaglaskógi
Mér var vel kunnugt um þessa flutninga sjóleiðis, því
faðir minn, Bjarni Einarsson skipasmiður, hafði tekið að
sér að flytja viðinn frá Nesi til Akureyrar og átti það að
gerast um sumarið. Það var komið fram á haust, þegar hægt
var að hefjast handa með flutningana inneftir og lentum
við, sem unnum að þessu, í talsverðum erfiðleikum vegna
hríða og lagnaðarísa.
Það mun hafa verið bæjarstjórn Akureyrar, sem gekkst
fyrir þessari eldiviðaröflun, en árangur af þessu varð minni
en til var ætlast, því mjög illa gekk að selja viðinn og var
honum staflað upp á auðu svæði austan við Gránu. Þar lá
hann lengi og var ágætur leikvangur fyrir unglingana á
Oddeyri.
manns eru við skipið en einn með kerru lengst til vinstri.
við þekkjum ekki nafn á, svo Áki ogloks Flink, báðirfrá Höephnersverslun.
Mynd Hallgrímur Einarsson.
Heima er bezt 245