Heima er bezt - 01.04.1995, Blaðsíða 12

A þessum funcli þótti gaman,
þar hefur enginn vaðið reyk.
Kjarni og hismi hafa saman
hugi fellt á nýjan leik.
Þessi skýrir sig sjálf:
Fölna tekur minn forni vangi,
fækkað hefur mjúkum línum.
Sést hér engin griðka á gangi
girndarleg yfir vexti mínum.
Einu sinni gerði ég sléttu-
bandavísu um klárinn minn. Hún
er svona:
Jarpur heitir folinn frár,
fljótur breytir geði.
Garpur beitir kostum knár,
knapa veitir gleði.
Gleði veitir knapa knár,
kostum beitir garpur.
Geði breytirfljótur frár,
folinn heitir Jarpur.
Svo er þessi:
Ýmsir telja að því sóma,
efþeir geta prettað mann.
Og látið svarta lýgi hljóma
líkt og hreinan sannleikann.
SAGA AF ÞORRABLÓTI
Það var eitt sinn á þorrablóti hér að maður var að segja
sögu, sem mikið var hlegið að. Það var þannig að hann
dreymdi að hann væri dáinn og væri kominn til Sankti
Péturs. Þar sá hann alls kyns klukkur og mæla og innti
eftir hvað þetta væri. Sankti Pétur sagði að þetta væru
kynorkumælar sem þeir hefðu hérna. Hann langaði að
skoða hver kynorkan væri hjá sveitungunum. Svo ætlar
hann að fara að gá að mér en sér þá engan mæli. Hann
spurði Sankti Pétur og hann svaraði: Við notum hann
hérna inni til að knýja viftu, hann var svo öflugur.
Sumum fannst illa að mér vegið þar sem ég var ekki í
þorrablótsnefnd og vaninn er að skjóta einungis á nefnd-
armenn.
Það gengur kefli um sveitina sem er afhent þeim sem næst
eiga að sjá um þorrablótið og að þessu sinni var mér afhent
keflið. Eg tók við því en laumaði að þeim þessari vísu:
Ýmsir vilja orku panta,
ástin blómstrar heit.
En krafta á viftur virtist vanta
víða í Borgarsveit.
Það var hlegið mikið að þessu.
FÉLAGSSTÖRF
Ég hef alltaf verið Framsóknarmaður, en maður á nú til
að fyllast vonleysi þegar maður hugsar um þessi stjóm-
mál. Það þykir alveg sjálfsagt að bændur dragi saman,
framleiðslurétturinn minnkar og vörurnar eiga að lækka.
En síðan koma bankarnir og stofnlánadeildin en þá þykir
sjálfsagt að það sé verðbótaþáttur á lánunum okkar og
þau séu að fullu verðtryggð. Þegar afurðimar eiga að
lækka um 20%, eiga kannski lánin að hækka um það bil
20%. Þetta getur engan veginn gengið upp. En það hefur
nú oft syrt í landbúnaðinum. Hér var t.d. skorið niður
1949 vegna mæðiveiki og maður skilur varla nú hvernig
fólk hafði það af.
Ég fór einu sinni óvart á aðalfund Sambandsins, sem
varamaður, síðan var það lagt niður. Svo fór á einn fund á
Stéttarsambandi bænda og nú er búið að leggja það niður.
Ég ætti kannski að leggja þetta fyrir mig.
Ég hef verið lengi í sýslunefnd og er nú í héraðsnefnd.
Ég man eftir því þegar við vorum að semja byggingar-
reglugerð fyrir Skagafjarðarsýslu. Þar var Gísli í Holti og
hann færði þetta allt til betri vegar fyrir okkur í sambandi
við íslenskuna. Þar stóð meðal annars: Ekki má byggja
nýtt hús nema með leyfi byggingarnefndar. Gísli var ekki
ánægður með þetta og sagði „Ég held að menn byggi yf-
irleitt ekki gömul hús.“
Einu sinni datt mér í hug að læra að syngja, þegar
gamli karlakórinn var starfræktur hér. Ég fór að æfa mig
...framhald á bls. 137
Feðgin að störfum.
120 Heima er bezt