Heima er bezt - 01.04.1995, Blaðsíða 15

vetur og kalt í veðri og hafði Jón loð-
húfu á höfði.
Þá hélt Gísli áfram, en þar sem
hann var svo hátalaður og talaði auk
þess oft við sjálfan sig, heyrðu þeir
að hann sagði:
„Já, þessir geta það. Þeir þurfa
ekki að spara allt eins og við hinir.“
Jón sagði frá þessu og hafði gaman
af, en ekki til þess að sverta Gísla
heldur aðeins af því að honum þótti
kynlegt hvað þessi óvenjulega gáfaði
maður hafði margslungið lundarfar.
Þá fer ég að láta þessu lokið. Nú er
allt þetta fólk, sem ég hef talað hér
um. horfið yfir móðuna miklu, sem
við verðum öll að fara yfir og bráð-
um man enginn neitt eftir því. Ef líf
er að loknu þessu, sem ég efa ekki
fyrir mitt leyti að sé, vona ég að ég
fái að hitta það allt og ég hlakka til
þess.
Árið 1969 lá ég í sjö mánuði á
Landspítalanum og var skorin marga
og stóra holskurði. Ég var því oft
mjög veik, en fékk þó aldrei óráð
eins og margir skurðsjúklingar nema
einu sinni litla stund. Þá sagði hjúkr-
unarkonan, sem var hjá mér, að ég
hefði sagt í óráðinu:
„Nú fer mér að batna. Hann Gísli
ætlar að hjálpa mér.“
„Hvaða Gísli?“ sagðist hún hafa
spurt.
„Hann Gísli á Vindfelli,“ svaraði
ég-
Skömmu síðar fór mér að batna
smátt og smátt, en um tíma var mér
ekki hugað líf.
Svona var það, vináttan virðist ná
út yfir gröf og dauða, ef hún er sönn
og einlæg. Gísli var tryggur vinur
þótt hann þætti hringlandasamur í
skoðunum.
Hann var einn af þessum kynlegu
kvistum, sem nú eru ekki lengur til.
úr líjríki náttúrunnar
(Cygnus cygnus)
Einkenni
Álftin hefur einkennandi gult og svart litmynstur á nefi, langan, beinan
háls, flatan búk og afturhallandi stél á sundi. Unginn er ljósgrábrúnn og nef
ljósrautt með dökkum oddi. Á sumrin geta fuglarnir verið meira eða minna
gulleitir eða ryðrauðir af mýrarauða úr vatninu. Röddin er einkennandi,
líkust hljómmiklum lúðrablæstri sem oft má heyra frá álftahópum.
Dvergsvanurinn (C. columbianus)
Hann birtist stundum sem sjaldgæfur gestur á leið til vetrarstöðva í
Bretlandi, er minni, með kúptara höfuð og ekki eins hálslangur og styttra
nefið er svartara. Ameríska undirtegund dvergsvansins (C. c. columbianus)
er enn sjaldgæfari. Hún hefur næstum alsvart nef.
Dreifing
Það votta mun hver vinur þinn,
þér voru offáir líkir,
þá vœri hún önnur veröldin,
ef vœru fleiri slíkir.
Ort við jarðarför Gísla.
Útbreidd um norðurhéruð Evrasíu. Á vatnasvæðum íslands verpir stór
stofn sem er álitinn telja 10.000 fugla á haustin. Nokkrir þessara fugla halda
sig við aðgrunnar strendur á veturna en flestir fljúga til vetrarstöðva í
Bretlandi. Á fartímum sést hún því víða á eyjasvæðinu og nyrsti hluti
vetrarstöðvanna nær allt til skosku eyjaklasanna. Stöku fuglar dvelja
sumarlangt sunnan varpsvæðisins.
Heima er bezt 123