Æskan - 01.09.1967, Qupperneq 20

BIARGIB LIFI
GEFIfi BUIII
Bjargið lífi!
Þau eru orðin æði mörg mannslífin, sem bjarg-
að hefur verið með blóðgjöfum, bæði í sambandi
við slys og sjúkdóma (uppskurði). Það er vissulega
dásamlegt að geta verið virkur þátttakandi í að
bjarga mannslífum. Það geta allir verið, sem vilja
leggja af mörkum lítið brot af blóðmagni sínu. Að
þetta brot bjargi e. t. v. lífi sjúks eða slasaðs ein-
staklings ætti að vera nægileg hvatning til allra ís-
lendinga. Það getur enginn sagt um það fyrir-
fram, hver þurfi á blóðinu að halda. Það gæti ver-
ið þú sjálfur, barnið þitt, eða einhver þér nákom-
inn.
Gefið blóð . . .
Blóð er ekki hægt að kaupa né framleiða eins og
lyf nú til dags. Blóð verður að gefa. Blóðgjafar
hafa hingað til aðallega gefið blóð í Blóðbankan-
um í Reykjavík, en Blóðbankinn sendir blóð til
sjúkrahúsa og einstakra lækna út um alla lands-
byggðina. Bankinn hefur fullnægt daglegri þörf
blóðs, en ekki mikið meira. Hann hefur því ekki
verið vel undir það búinn, ef mikil slys eða nátt-
úruhamfarir steðjuðu að. Til þess að Blóðbankinn
geti verið reiðubúinn skyndilegri aukinni blóð-
þörf, þarf hann auknar birgðir blóðs og blóðvatns.
Með tilkomu blóðsöfnunarbifreiðar Rauða kross
íslands verður nú hægt að sækja blóð um allt land,
— með þinni hjálp.
Hverjir mega gefa blóð . . .
Allir þeir, á aldrinum 18—59 ára, sem eru hraust-
ir, með eðlilegt blóðmagn og blóðþrýsting, og hafa
ekki smitazt af neinum sjúkdómum, sem geta bor-
izt með blóðinu, t. d. gulu.
— og hve oft?
Blóð má gefa á allt að 2ja mánaða fresti, eða
um 5 sinnum á ári í mesta lagi. 2—3svar á ári er
ágætt.
Verður maður eftir sig?
Hraustum einstaklingi á ekki að verða neitt um
að gefa blóð. Það eru teknir 400 ml. af blóði í hvert
sinn, — minna en 1/10 hluti blóðmagns líkamans.
Aðeins 20 mínútur
tekur að gefa blóð. Stuttur tími, sem gæti orðið
til að bjarga mannslífi.
í hvaða blóðflokki er ég?
Allir, sem gefa blóð, fá sent kort, sem gefur til
kynna blóðflokk hans. Hver og einn ætti að bera
kortið á sér. Þá er í fljótheitum hægt að sjá í
hvaða blóðflokki hann er, ef slys eða annað hend-
ir, og hann þarf á blóðgjöf að hakla.
Má geyma blóð lengi?
Heilblóð má geyma í 21 dag, ef það er geymt við
4ra gráðu hita. Hins vegar má geyma blóðvatn í
mánuði og ár, ýmist sem þurrefni eða frosið. Nú
er einnig farið að hraðfrysta rauð blóðkorn, og þá
er hægt að geyma þau svo mánuðum skiptir án
þess að eyðileggja þau.
KJörorðið er: ÆSIÍA^Í FIIUR ÆSKIJM