Æskan - 01.02.1980, Blaðsíða 4

■■■■
■■■
Ræktaðu
garðinn þinn

99
99
Nýkomiö er í bókaverslanir frá
bókaútgáfunni Iðunni rit, er ber heitið
„Ræktaðu garðinn þinn", og er höf-
undur þessa rits Hákon Bjarnason
fyrrverandi skógræktarstjóri.
Þetta er fræðslu- og leiðbeiningarit
um ræktun trjáa og runna í 25 stuttum
köflum auk formála, og í bókarlok eru
skýringar á trjánöfnum og bókaskrá.
Þá er í bókinni fjöldi mynda til skýr-
ingar, er Atli Már hefur teiknað.
Þetta er ekki fyrsta rit af þessu tagi,
sem Hákon Bjarnason lætur frá sér
fara. Fyrir 10 árum gaf hann út
fræðslu- og leiðbeiningarit um rækt-
un trjáa. Var það fjölritað og upphaf-
lega ætlað til kennslu í Garðyrkju-
skóla ríkisins, og upplag mjög tak-
markað.
í formála að riti því sem nú birtist er
bent á, að eldri bækur um þetta efni
séu löngu úreltar. Á allmörgum und-
anförnum árum hefur verið flutt inn
töluvert af trjá- og runnategundum,
sem smám saman er að koma reynsla
á, og í þessari nýju bók er skilmerki-
lega skýrt frá þeirri reynslu, og líkum
fyrir þrifum hinna ýmsu tegunda. Þá
er lögð áhersla á mikilvægi þess að
leitað sé trjá- og runnaplantna úr
heimkynnum er svipar til íslands, að
því er varðar hitastig og veðurfar, og
bent á að með áframhaldandi slíkri
leit megi að líkindum enn auka fjöl-
breytni veðurþolinna trjá- og runna-
tegunda.
Bókin ,,Ræktaðu garðinn þinn" er
rituð á lipru og auðskildu máli, og ætti
Hákon Bjarnason.
að vera kærkomin handbók öllum
sem fást við ræktun trjáa og runna,
ekki síst byrjendum. Bókin er í hent-
ugu broti, prentuð í Odda, lesmál 124
blaðsíður.
Guðmundur Marteinsson.
stöðugt í vöxt að fjölskyldur, hópar og
einstaklingar utan af landi komi í
Hlíðarfjall til að vera á skíðum. Og
sumir koma aftur og aftur, ár eftir ár.
í hótelinu eru 11 2ja manna her-
bergi og svefnpokapláss fyrir um
70—80 manns. Þarna geta menn
fengið leigð skíði og annað sem til
þarf. Útbúnaður er til leigu fyrir 20—
30 manns, og skíðakennsla er á
hverjum degi.
ísafjörður —
Seljalandsdalur
Á Isafiröi hefur lengi verið tölu-
verður áhugi á skíðaíþróttinni enda
skíðaland ísfirðinga, Seljalandsdalur-
inn, oft nefnt ..Paradís skíðamanna".
Þar eru brekkur og gönguland við
allra hæfi í fögru umhverfi. Árið 1968
var byggð skíðalyfta á Dalnum, eins
og (sfirðingar kalla Seljalandsdalinn
dags daglega, og upp frá því hefur
áhugi almennings á skíðaiðkun farið
ört vaxandi á ísafiröi og í nágrenni
hans. Þar eru nú tvær skíöalyftur sem
geta flutt þá sem það vilja svo gott
sem upp á topp.
Ekki hefur verið um neinar skipu-
lagðar skíðaferðir til Isafjarðar að
ræða þar sem aðstaðan til að taka á
móti dvalargestum er ekki nógu góð
ennþá.
Reykjavík og nágrenni:
Bláfjallafólkvangur
Eitt vinsælasta skíðasvæðið í ná-
grenni Reykjavíkur nú er Bláfjalla-
svæðið, en þar er bæði fyrirtaks
skíðaland og skemmtilegt umhverfi.
Það var um páskana 1973 sem veg-
urinn upp í Bláfjöll var fyrst opnaður.
Þá var búið að koma þar upp ein-
hverjum skíðalyftum og var strax
mikill straumur af fólki þangað. Árið

eftir var svo lagt rafmagn á staðinn og
þá voru settar upp fastar lyftur.
Þaö eru Reykjavík og sveitarfélögin
í kringum Reykjavík ásamt Keflavík og
Selvogi sem hafa sameiningu um að
mynda þarna svonefndan Bláfjalla-
fólkvang. Þessir aðilar sjá um rekst-
urinn þar auk þess sem skíðadeildir
íþróttafélaganna Fram, Ármanns og
Breiðabliks hafa aðstöðu á svæðinu.
Skálafell, Hamragil,
Hveradalir
En það eru fleiri skíðasvæði í ná-
grenni Reykjavíkur en Bláfjöll. Til
dæmis er mjög vinsælt að fara í
Skálafell, en þar er Skíðadeild KR
með aðstöðu. Svo eru ÍR-ingar búnir
að koma upp ágætri aðstöðu í
Hamragili, sem er neðan við Hengil-
inn. Þar eru komnar lyftur upp á
hæstu toppa, en snjórinn er þar held-
ur óstöðugur, og svo er líka hægt að
fara í Hveradali.
■■■■■
2