Æskan - 01.05.1983, Side 32

Við Rangá ofarlega, í nágrenni Heklu, er Galtalækjar-
skógur, gróðurvin í hrauni, kjörinn staður til að tjalda á og
njóta útivistar. Margir hafa verið þar um verslunarmanna-
helgar, á bindindismótum, en þau eru ein eftirsóttasta
fjölskylduskemmtun landsmanna. Nú ertjaldsvæði opið allt
sumarið í skóginum. Aðstaða hefur verið bætt verulega,
t. d. reist hús með snyrtingu.
Það eru íslenskir ungtemplarar og Umdæmisstúkan nr. 1
sem gangast fyrir bindindismótunum. Sögu mótanna má
rekja aftur til ársins 1960. Hið fyrsta var haldið í Húsafells-
skógi. Árið eftir var það að Reykjum í Hrútafirði en síðan
aftur í Húsafellsskógi til ársins 1967. Þá var því valinn staður
í Galtalækjarskógi og hefur verið haldið þar öll sumur við
miklar vinsældir.
Við höfum frétt að í sumar muni Þórskabarett skemmta
með Jörund og Ladda í fararbroddi og Dansbandið leika.
Að venju verði vandað til dagskrár fyrir börn og ungmenni
og Tívolí opið. En það þarf ekki nauðsynlega að flytja
skemmtiefni til að ungmenni njóti sín í skóginum. Þar er
tilvalið að ærslast í hvers konar leikjum, fara í gönguferðir
og jafnvel að busla í læknum. En þá er vissara að fullorðnir
fylgist með.
Við höfum ekki fengið nákvæma veðurspá ennþá en
síðustu ár hefur verið sérstök blíða og sólskin um versl-
unarmannahelgar enda er veðursæld í skóginum. Æ fleiri
taka þátt í þessari heilbrigðu skemmtun í heillandi um-
hverfi.
Frá fimleikasýningu á bindlndismótlnu 1982.
32