Æskan - 01.05.1983, Síða 52

Skólabátar
Aflinn var hlnn fjölbreytilegasti.
Fiskiskipstjórar framtíðarinnar?
Haustið 1981 var ráðist í útgerð skólabáts frá
Reykjavík. Samtals 110 nemendur úr sjóvinnu-
deildum skólanna í Reykjavík og Kópavogi fóru í
dagróðra, og tókst mjög vel til í alla staði. Á
síðastliðnu hausti var þessi framkvæmd endurtekin.
Sami bátur var tekinn á leigu, en þátttakendur verða
nú fleiri. Þeir eru auk Reykjavíkur og Kópavogs,
skólar í Hafnarfirði, Garðabæ, Seltjarnarnesi og frá
Suðurnesjum, með samtals 170 nemendur. Fiskifé-
lagið sér sem fyrr um skipulagningu og framkvæmd í
samvinnu við viðkomandi skóla.
Álftamýrarskóli í Reykjavík reið á vaðið með þessa
framkvæmd og hefur Ragnar Júlíusson skólastjóri
átt þar stærsta þátt í að gera þetta mögulegt. Margir
aðrir hafa lagt hönd að verki, sem ber að þakka.
Búið er að fara í 16 róðra, en róið er með handfæri,
ýsunet, lúðunet og línustubb. Hver hópur, 7-8 nem-
endur, fer í 1 -2 róðra. Auk veiðarfærakennslunnar
er nemendum kennd siglingafræði, siglingareglur og
þeir kynnast almennri sjómennsku í raunveruleik-
anum.
Allt hefur gengið mjög vel, og afli fjölbreytilegur,
t. d. ýsa, þorskur, lúða, koli, háfur, skata, krabbi,
selur og hnísa, sem reyndist vera með nær fullþroska
fóstur. Nemendur hafa sýnt mikinn áhuga og dugn-
að, komið að landi Ijómandi af ánægju og veiðigleði.
Þeirri reynslu, sem fæst af þessari framkvæmd,
verður að sjálfsögðu miðlað til annarra byggðarlaga.
en áhugi fyrir útgerð skólabáta er vaxandi víða um
land.
Að tengja námið raunveruleikanum með þessum
hætti auðveldar okkur að ná markmiðum með
kennslu í sjóvinnu, sem er m. a. að kenna nemend-
um nokkur undirstöðuatriði starfa tengdum sjávarút-
vegi, samfara því að glæða skilning ungmenna á vel
unnu handverki. Einnig að námið geri nemendur
færari að takast á við þau verkefni sem bíða þeirri úti
í þjóðfélaginu og veki áhuga nemenda á að takast á
við ný og ólík viðfangsefni.
____ Þ.Kr.V.
Nemendur úr Sjóvinnudeild Álftamýrarskóla komnir að landi
úr vel heppnaðri veiðiferð.
Skólabátar
52