Æskan - 01.01.1986, Blaðsíða 10

Æskan spyr:
Hvað heitir eftirlætishljómsveitin þín?
Ingólfur Pétursson 11 ára:
Ég held með engri sérstakri. Tónlist-
armanninum Nik Kershaw hef ég
mest dálæti á. Nei, ég á enga plötu
með honum, bara þau lög sem ég hef
tekið upp úr útvarpinu. Besta lagið
hans heitir Wilde Boy. Nei, ég veit
ekki um marga sem halda með hon-
um - en það eru sjálfsagt miklu fleiri
en ég þó að ég þekki þá ekki.
Gunnar Már Petersen 11 ára:
Duran Duran. Ég byrjaði að halda
með henni fyrir tveim árum. Sérðu
ekki að ég er að safna hári til að
líkjast þeim? Þetta er ofsalega
skemmtileg hljómsveit. Besta lagið
með henni heitir Union Of The
Snake. Ég á flestar plöturnar og
hlusta á þær mörgum sinnum á dag.
Márus Þór Arnarson 11 ára:
Mín heitir líka Duran Duran. Ég
byrjaði að halda með henni fyrir ári.
Svo þykir mér líka Mezzoforte vera
góð hljómsveit. Besta lagið með
Duran Duran heitir Girls On Film.
Roger og Andy eru skemmtilegastir
af þeim félögunum. Nei, ég ætla ekki
að verða tónlistarmaður í framtíð-
inni, -miklu frekar atvinnumaður í
körfuknattleik.
Erla Björg Hafsteinsdóttir
7 ára:
Eftirlætis-tónlistarmaðurinn minn er
Sandra. Hún er skemmtileg. Einnig
hef ég gaman af Wham. Strákarnir í
Wham eru sætir og það er Elton
John líka. Besta lagið með honum
heitir Nikita. Ég held líka með Dur-
an Duran og Bjartmari Guð-
laugssyni. Besta lagið með Bjartmari
heitir: Ég fer í Hollywood. Við
eigum plötuna heima og leikum hana
oft.
Eva María Daníelsdóttir 7 ára:
Mér þykir líka Sandra skemmti-
legust. Af íslenskum tónlistar-
mönnum er Laddi bestur. Nei, ég á
ekki sjálf plötuspilara en það eru
risa-græjur heima. Stundum set ég
plötu á fóninn og dansa í stofunni.
Annars hlusta ég mest á rás 2 á
morgnana áður en ég fer í skólann.
Svo máttu bæta við að Duran Duran
strákarnir eru sætustu tónlistarmenn
sem ég þekki.
Guðni Magnús Ingvason
11 ára:
Sandra er besti tónlistarmaðurinn.
Nei, ég er ekkert skotinn í henni -
en hún er samt sæt. Besta lagið með
henni heitir Maria Magdalena. Ég á
það á spólu og spila það oft. Mér
þykir gaman að tónlist en aðaláhuga-
mál mín eru samt íþróttir. Ég æfi
bæði fótbolta og handbolta. Ég held
ekki upp á neinn sérstakan íslensk-
an tónlistarmann.
10