Æskan - 01.01.1986, Blaðsíða 16

BJOSSI BOLLA
49. Bjössi hallar brakandi hurðinni að baki
sér. Hvað er til ráða? Það er farið að skyggja og
honum þykir ekki árennilegt að sitja fyrir þjóf-
inum. Það er líkast til of áhættusamt. En ekki
væri ónýtt að finna fótspor. Bjössi litast um og
kemur fljótlega auga á slóð í mjúkum snjónum.
50. Hann tekur upp stækkunarglerið og krýp-
ur við eitt sporanna. Það er mjög greinilegt.
Hann teiknar mynstrið í minnisbókina. Það
dimmir óðum svo að hann reynir að hraða sér.
En í þessum svifum heyrir hann í másandi
manni...
51. Bjössi sprettur á fætur. Hvað á hann að
taka til bragðs? Hann kemst ekki óséður á brott
nema upp hæðina sem hann hafði runnið niður.
Einhver nálgast úr hinni áttinni, hann heyrir
stigið til jarðar. Bjössi þýtur af stað, óttinn
eykur honum þrótt og brátt er hann kominn
alla leið upp.
52. Hann laumast inn í rökkrinu, afklæðist í
skyndi og fer í steypibað. Hann nennir ekki að
hugsa meira um þyngd sína að sinni. Nú þarf
hann að finna ráð til þess að koma upp um
þjófinn. Hvað hefði Sherlock Holmes gert?
Hann verður að átta sig á því.