Æskan - 01.01.1986, Page 20

Verölaunasamkeppni Æskunnar og Rásar 2.

yn
FÓLK ÞARF AÐ BREYTA HUGSUN SINNI..._______________________________________________________
eftir Guðrúnu Rósu Þórsteinsdóttur, Bárðartjörn, S-Þingeyjarsýslu.
Hvernig vil ég hafa þjóðfélagið árið
2000?
Það er erfið spurning og mörgu til að
svara.
Að minnsta kosti þarf fólk að breyta
hugsun sinni til að þjóðfélagið batni
því að ekki vil ég hafa það eins og það
er núna. Það sem mér dettur fyrst í
hug er friður. Hver vill ekki hafa frið á
jörðinni. Ef krakki spyr fullorðinn
mann:
„Viltu ekki að það sé friður á jörð-
inni?“ - þá svarar hann:
„Auðvitað, krakki, hvernig
spyrðu?“
Já, það er nógu auðvelt að tala um
frið, kannski svolítið annað en að
framkvæma.
Leiðtogar stórveldanna vilja frið og
kenna hvor öðrum um að ekki séu
kjarnorkulaus svæði hér eða þar. Samt
keppast þeir um að eiga sem flest
manndrápstæki. Eg vildi óska að þessi
geðveikislega vopnakeppni hætti og
fyrir peningana, sem notaðir eru til
vopnaframleiðslu, verði keyptur
matur handa hungruðu fólki. Arið
2000 ætti enginn að þurfa að svelta og
enginn að þurfa að óttast kjarnorku-
stríð.
Fólkið á að vera við aðra eins og
það vill að aðrir séu við það árið 2000.
Kynþáttahatur á ekki að fyrirfinnast á
jörðinni. Enginn getur gert að því
hvernig hann er á litinn.
íslensk tunga má ekki heldur týnast.
Nú eru íslensk popplög sjaldan með
íslenskum texta. Fólk talar með
enskuslettum því að það heldur að það
sé fínt. Smám saman týnist íslenskan
ef fólk gætir sín ekki. Við verðum að
rnuna að við erum íslendingar. Það er
gaman að vera íslendingur og þess
vegna verða allir verulega íslenskir
árið 2000. Við eigum gott land, nægt
landrými, nægt vatn, hreint loft, sem
sé fagurt, friðsælt land. Árið 2000 á
landið okkar að vera ómengað og fag-
urt, ekkert atvinnuleysi, engir glæpir.
Ég vildi að allt fólk jarðarinnar gæti
lifað rólegt, ekki dauðhrætt um að það
verði rænt eða jafnvel myrt á næsta
götuhorni, fólk verði friðsamt, allir
hafi atvinnu svo að ekki þurfi þeir að
ræna.
Árið 2000 ætti að vera hægt að
lækna öll mein fólks, svo sem krabba-
mein og alnæmi. Reykingar ættu ekki
að sjást eða áfengisneysla - a.m.k.
ekki nema í algjöru lágmarki. Ég vildi
að íþróttir væru mikið stundaðar, fólk
væri hraust og heilbrigt, ánægt, hjálp-
samt og yfirleitt mjög gott. Það þarf
ekkert unglingavandamál að vera til
árið 2000 ef það hefur þá nokkurn
tíma verið til.
Haldið friðinn! Verið eins við aðra
og þið viljið að aðrir séu við ykkur.
Verið jákvæð gagnvart náunganum og
lífinu.
Trúið og eignist gott og áhyggju-
laust þjóðfélag árið 2000.