Æskan - 01.01.1986, Side 51

Smælki
I tómstundum
Handavinna
Margir hafa beðið okkur að birta
leiðbeiningar við handavinnu. Pað
gerum við nú og ykkar er svo að
taka fram prjóna og heklunálar og
i'eyna ykkur við þetta skemmtilega
verkefni. Dóra Sigfúsdóttir hefur
hannað púða, nálapúða og potta-
leppa sem kjörið er að efna í með
„zareska“ bómullargarni.
Nálapúði
Heklunál nr. 12
Fastir pinnar
Garnið er haft tvöfalt
Fitjið upp þrjár lykkjur. Farið aftan
1 fyrstu lykkjuna og heklið tvo hringi,
aukið út í hverja lykkju. Síðan er
dökkblátt, þá rautt, Ijósgrænt, dökk-
brúnt og gult. Aukið í aðra hverja
lykkju þannig að púðinn verði kúptur.
Fotninn er gulur, u.þ.b. fimm umferð-
lr- Heklið svo saman með skærgræn-
Um lit. Þegar sex lykkjur eru eftir er
Púðinn fylltur með bómull eða öðru
efni og heklað þannig að hann lokist.
Heklið svo hanka og takka allan
hringinn.
Púði
Garn: Hammerfest - um 200 g
Prjónar nr. 10
Prjónað úr tvöföldu garni
Fitjið upp 36 lykkjur. Prjónið garða-
Prjón. 14 umferðir með bleikum lit,
fjórar umferðir með dökkbláum, tvær
umferðir ljósgrænar, tvær u. ljós-
drappaðar, tvær u. skærgrænar, tvær
u. bleikar, tvær u. ljósdrappaðar, aftur
tvær umferðir bleikar, tvær u. ljós-
'’láar, tvær ljósdrappaðar, tvær u. ljós-
grænar, fjórar u. dökkbláar, 14 um-
terðir ljósbláar.
Bakið er sami lykkjufjöldi, 28 um-
erðir með rauðu og 28 umferðir ljós-
rappaðar. Heklið jaðrana saman
með ljósgrænu; fastir pinnar.
Pottaleppar
Garn: Hammerfest
Prjónar nr. 4 '/2 - Heklunál nr. 6
Garnið er tvöfalt
Fitjið upp 18 lykkjur. Prjónið 30
umferðir úr rauðu garni með garða-
prjóni, þá átta umferðir með skær-
grænum lit og aukið í átta lykkjum
öðrum megin þannig að þumall mynd-
ist. Þegar átta umferðir eru komnar
eru átta lykkjur felldar af. Litir skipt-
ast síðan þannig á í umferðum, ( = u):
Dökkblár: tvær u. - ljósdrappaður :
tvær u. - dökkbrúnn : tvær u. - ljós-
drappaður : tvær u. — dökkblár : sex
u. — gulur : fjórar u. — rauður : sextán
u. — skærgrænn : sex u. — dökkbrúnn
: ein u. - dökkblár : fjórar u. -
skærgrænn : tólf u. Þá er átta lykkjum
aukið í öðrum megin og prjónaðar átta
umferðir. Síðan eru þessar átta felldar
af og fjórar umferðir prjónaðar í
græna litnum.
Dökkblár : ein u - skærgrænn : ein u.
- dökkblár : ein u. - skærgrænn : ein
u. - dökkblár : ein u. - skærgrænn :
átta u. - ljósdrappaður : ein u. -
grænn : ein u. - ljósdrappaður : tíu
umferðir. Fellið af. Nú þurfa þum-
alstykkin að standast á og heklað er
með föstum pinnum báðum megin
með ljósdrappaða litnum. Heklið síð-
an saman. Takið aftan í lykkju og
heklið hanka úr tíu lykkjum.
,Jæja, svo að þú crt nýi drengurinn í
bekknum.“
Kennarinn sagði við Palla litla:
- í kulda dragast hlutir saman og
í hita þenjast þeir út. Geturðu nefnt
dæmi um þetta?
— Já, kennari. Jólafríið er bara
þrjár vikur en sumarfríið er tólf
vikur.
- Er hann í raun eins nískur og
sagt er?
- Já, svo sannarlega. Hann fer
sjálfviljugur þangað sem mikil
mannþröng er til að pressa fötin sín
ókeypis.
Tveir ísbirnir voru á göngu í
eyðimörkinni. Annar þeirra segir
skyndilega:
- Það hlýtur að hafa verið svaka-
leg hálka hér.
- Hvers vegna segir þú það?
spurði hinn undrandi.
- Jú, sjáðu til! Annars hefðu þeir
varla borið svona mikinn sand á
hérna.
„Hvað oft hef ég ekki sagt þér það? Þú mátt
aldrei ganga fyrir aftan hest!“
51