Almanak Ólafs S. Thorgeirssonar - 01.01.1948, Page 22

22 ÓLAFUR S. THORGEIRSSON:
ingu andstæðinga sinna eigi síður en þeiira, er fylgja hon-
um að málum.
Sigurður Júlíus (eins og hann er venjulega nefndur
manna í milli) á einnig fjölda vina á Islandi, þó að hann
hafi dvalið vestan hafs í nærri full 50 ár, og þá sérstak-
lega í hópi íslenzkra Góðtemplara: lvsti það sér mjög
fagurlega í því, hve hjartanlega þeir hylltu hann á Stór-
stúkuþinginu á Akureyri sumarið 1944, í áheyrn greinar-
höfundar, enda höfðu þeir góða ástæðu til að minnast
Sigurður með þakklátmn huga. Hann átti á sínum tíma
(1897) meginþátt í stofnun barnablaðsins Æskan, sem
Stórstúka Islands gefur út, og var ritstjóri hennar fyrstu
tvö árin. Sögur hans og kvæði, sem þar komu út, hefir
Stórstúkan einnig gefið út í bókarformi (Sögur Æskunn-
ar, I-II, 1930). Sama ár kom ennfremur út í Reykjavík
safn 50 barna- og unglingaljóða hans undir heitinu Sól-
skin, ogvar það gjöf höfundar til Bamavinafélagsins Sum-
argjöf. Er hann því íslenzkum æskulýð nútíðarinnar
heima á ættjörðinni að góðu kunnur. En gjöf sú, er nefnd
var, er mjög einkennandi fyrir hann, því að hann er
manna tryggastur við málefni þau og félög, sem hann
hefir tekið ástfóstri við.
Sigurður Júlíus Jóhannesson er Sunnlendingur að up-
pruna. Hann er fæddur að Læk í Ölfusi 9. janúar 1868,
en ólst upp að Svarfhóli í Stafholtstungum. Hann stund-
aði nám á Lærða skólanum í Reykjavík og útskrifaðist
þaðan 1897, en fluttist til Vesturheims 1899. Fjárlaus
braust hann með miklum dugnaði í framhaldsnámi og
lauk læknaprófi í Chicago 1907. Hefir hann síðan löng-
um stundað læknastörf og um langt árabil verið búsettur
í Winnipeg. En auk þess hefir hann tekið margháttaðan
þátt í vestur-íslenzkum félagsmálum og fengist mikið
við blaðamennsku og önnur ritstörf.
Árið 1905 kvæntist Sigurður Halldóru Þorbergsdóttur
Fjeldsted, hinni ágætustu konu, og eiga þau tvær dætur