Afturelding - 01.03.1967, Blaðsíða 11
Atliyglisvert
jólakort
Við vituni öll, hvað það er að fá jólakort. Jóla-
kortin finnst mér vera eins og bjartir boðberar,
sem bera vinarorð á tnilli tveggja eða fleiri aðila.
En þau eru meira en það. Þau bera okkur orð um
hinn mikla kærleika Guðs, sem gaf okkur sinn
eingetinn son, til þess að hver sem á hann trúir,
glatist ekki heldur hafi eilíft Iíf.
Yfirleitt eru jólakortin boðberar manna á milli
um þennan mikla boðskap.
Við hjónin fáum alltaf mörg jólakort og svo var
einnig um síðastliðin jól. Þau eru of mörg til þess
að við getum lesið þau öll sama kvöldið.
Við tökum vissan hluta af þeim þetta kvöldið,
og svo álika stóran hluta næsta kvöld og svo koll
af kolli þangað til við höfum lesið þau öll, án
þess að hafa neitt flýtisverk á því.
Við gerum okkur grein fyrir því að þetta eru
vinir okkar, sem eru að senda okkur kveðjur sín-
ar með hlýjustu árnaðaróskum. Þess vegna lesum
við kortin þannig, eins og við höfum þann, sem
sendir þau hjá okkur, og það sé raunverulega hann
eða hún, sem er að tala við okkur á máli bókstaf-
anna og bréfsins á þessari stundu. Á þennan hált
fær hver kveðja, hvert orð meira gildi fyrir okkur.
Svo var það á öðru eða þriðja kvöldinu, sem
við vorum að lesa jólakortin, á s.l. jólum, þá lás-
um við þetta jólakort, sem myndin er af, er fylgir
þessum orðum. Nú langar mig til þess að birta hér
allt það sem skrifað var á kortið nema undir-
skriftina. Ég vona að höfundur hryggist ekki af
því. Það hljóðar svo:
„Jól, ’66.
Börnin á myndinni þekktu ekki Guð, og faðir
þeirra gekk götur heimsins í löstum og bruna.
Jesús Kristur hefur frelzað alla fjölskylduna
og gefið henni sigurkraft, til þess að víkja af
leið heimsins.
Og börnin lyfta hendi sinni og hrópa:
Hallelúja!"
Við lásum ekki fleiri jólakort þetta kvöld. Við
höfðum fengið svo mikið þakkarefni: Að Jesús
skyldi vilja koma i þennan heim til þess að gera
slík undur, eins og orðin og myndin á þessu korti
vitnuðu um. Nú skein birta jólanna á þessi orð
frelsarans, sem aldrei fyrr: „Því að svo elskaði
Guð heiminn, að hann gaf son sinn eingetinn til
þess að hver, sem á liann trúir, glatist ekki, heldur
hafi eilíft líf.“
Við þig, sem lest þessar línur, leyfi ég mér að
segja þetta. Nákvæmlega það sama og Jesús gerði
fyrir þennan unga fjölskylduföður, vill hann gera
fyrir þig. IJvers vegna ekki að taka sjálfa lífsr
hamingjuna inn í fjölskyldu sína og heimili?:
A. E.
11