Kirkjuritið - 01.01.1940, Page 12

Janúar.
Carl Olof Rosenius.
i.
Carl Olof Rosenius er fæddur 3. febr. 1816 í Nysaka-
socken í Norrland. Faðir hans var Anders Rosenius
prestur í Norrlandi. Var hann einlægur fylgjandi þeirr-
ar vakningar, sem nefnd hefir verið „nylásar“-hreyf-
ingin. Tók hann öflugan þátt i trúarsamkomum þeim,
sem haldnar voru utan kirkjunnar. Var það tilefni til
þess, að Anders Rosenius var aldrei lengi á sama stað,
því að það var sífelt verið að kæra hann fyrir að taka
þátt i þessum trúarsamkomum. Var hann þvi fluttur úr
einu prestakalli í annað. En alstaðar byrjaði hann á
nýjum vakningarsamkomum, svo að þessi ráðstöfun af
liendi forráðamanna kirkjunnar verkaði öfugt við það,
sem til var ætlast, en það var að hindra útbreiðslu vakn-
ingarinnar. Anders Rosenius dó sem aðstoðarprestur
í Burhásk 1841. Móðurfaðir Carls Olofs, Olof Narelius
skólastjóri i Arjeplog, var einnig einlægur stuðnings-
maður „nylásar“-lireyfingarinnar. Frá bernsku ólzt
því hinn ungi Carl Olof upp í anda hinnar norrlenzku
vakningahreyfingar. Er enginn vafi á því, að þetta hefir
mótað trúarskoðanir hans og markað honum að nokk-
uru þá braut, sem hann siðar gekk.
Tvent verður að athuga í samhandi við æskuheimili
Roseniusar. I fyrsta lagi það rótleysi, sem fylgdi liinum
sífelda flutningi föður hans úr einu prestakalli í ann-
að. Af því leiddi, að hinn ungi Rosenius fékk aldrei tæki-
færi til að vaxa inn í safnaðarlíf kirkjunnar. Gefur það
að nokkuru skýringu á þeirri ákvörðun Roseniusar að
starfa utan kirkjunnar.
í öðru lagi verður að hafa í huga hið einkennilega
trúarlíf, sem var ríkjandi á æskuheimili lians. í and-