Kirkjuritið - 01.10.1940, Síða 36

316
Sigurgeir Sigurðsson:
Október.
urður Egilsson, smíSakennari frá Reykjavík og málarinn Marinó
Guðmundsson úr Hafnarfirði. Ýmsar gjafir hafa kirkjunni verið
gefnar. Kvenfélagið „Von“ gaf altarisklæði, altarisdúk og altaris-
stjaka. Á vígsludegi barst kirkjunni að gjöf frá Sigurði Jónssyni,
skólastjóra á Seltjarnarnesi, fögur Kristsmynd af sömu gerð og
Kristsmynd sú, er stendur á altari Háskólakapellunnar. Félagið
,,Reynir“ á Vatnsnesi gaf kr. 200.00 til lcaupa á „harmonium"
handa kirkjunni.
Við vígsluathöfnina var fjöldi fólks saman kominn. Prest-
vígðir menn voru þar sem hér segir, auk biskups: Sóknarprest-
urinn séra Sigurður Norland, séra Björn prófastur Stefánsson
á Auðkúlu, er báðir prédikuðu þenna dag, séra Jóhann Briem og
séra Stanley Melax. Allmargt fólk var frá Hvammstanga og víðar
að. Var þar t. d. stödd frú Guðrún Ágústsdóttir úr Reykjavík,
er söng einsöng við vigsluathöfnina. Vakti það mikla ánægju
kirkjugesta. Að athöfninni lokinni voru kirkjugestum veittar góð-
gerðir á kirkjustaðnum við rausn mikla.
Þótt veður væri ekki liið ákjósaniegasta þenna dag, hvíldi há-
tíðblær yfir deginum og atliöfninni.
Óspakseyrarkirkja i Strandaprófastsdæmi var vígð 14. júlí.Var sá
dagur einhver hinn fegursti sólskinsdagur, sem völ er á. Var þar
saman kominn mannfjöldi mikill úr þremur sýslum. Meðal kirkju-
gesta þeirra, er komnir voru lengst að var fyrv. bankagjaldkeri
Jón Pálsson og iék hann „præludium“ (forspil) í byrjun athafn-
arinnar. Annars annaðist Guðmundur Einarsson bóndi í Gröf
organistastörfin og fórst það hið bezta. Var söngur mikill og góð-
ur í kirkjunni.
Hin nýja Óspakseyrarkirkja er 8,30 m. á lengd og 5,50 m. á
breidd. Vegghæð er 2,30 m. Hvelfing 1,40 m. og turnhæð 8 m
frá gólfi.
Kirkjan tekur 54 í sætum, en alls mun hún rúma 100 manns.
Ivirkjusmíðin var hafin í maímánuði 1939 og hefir kirkjan kost-
að í útlögðu fé kr. 6308,00. En í raun og veru kostaði hún meira.
Vinnan við verkið var mjög ódýr; bæði voru vinnugjafir nokkr-
ar og smiðirnir vægir í kröfum. Þorkell Guðmundsson bóndi að
Óspakseyri hafði aðallega eftirlit með verkinu, en aðalsmiður-
inn var Gísli Gíslason, trésmíðameistari i Hvítuhlíð. Húsameist-
ari ríkisins gerði uppdráttinn að kirlcjunni, en síðar var gerð
nokkur breyting á honum, i samráði við sóknarnefnd og söfnuð.
Kirkjan er að vísu litil, en þó hið fegursta og vandaðasta hús.
Voru samtök góð og samhugur um kirkjubyggingarmálið. Ýmsir
gáfu dagsverk og almenn samskot fóru fram og gáfu þar til flestir
safnaðarmanna ásamt prófastinum.