Kirkjuritið - 01.01.1952, Qupperneq 40

38
KIRKJURITIÐ
breytingu, sem yljuð er og mögnuð af anda Krists og
áhrifum kenningar hans. Kirkjan vísar og veginn og því
betur, því trúrri börn hennar sem vér erum. „Guð hefir
sagt þér, maður, hvað gott sé. Og hvað heimtar Drottinn
annað af þér en að gjöra rétt, ástunda kærleika og fram-
ganga í lítillæti fyrir Guði þínum?“
Ef vér fylgjum því boðorði kirkju Krists, mun lausn
þjóðfélagsvandamálanna takast giftusamlega og Islending-
ar verða hamingjusöm þjóð og langlífir í landi sínu.
Kristinn Stefánsson.
Að leiðarlokum.
Jarðar- lífs er lýkur vetri,
Ijómar eilíft fagra hvel.
Sæludaga sumri betri
síðar nýt ég bak við hel
Þó að líkams-leifar mínar
lítið auki gróður-svörð,
þær ég glaður gef í þínar
gleymsku-hendur móðurjörð.
Megi' eg lífs að liðum árum
líta mína gömlu sveit,
skal ég hlýjum heillatárum
hella yfir þennan reit.
Öndu minni opnum sýnum
yndi myndi þá að sjá,
ef að upp af moldum mínum
mættu spretta fáein strá.
Jón G. SigurSsson.