Kirkjuritið - 01.08.1955, Side 13

Prestastefnan 1955.
Setning prestastefnunnar.
Prestastefna íslands var haldin í Reykjavík dagana 22.—
24. júní.
Hófst hún með guðsþjónustu í Dómkirkjunni kl. 1 e. h. Séra
Helgi prófastur Konráðsson á Sauðárkróki prédikaði og lagði
út af Matt. 11, 2—6. Er prédikun hans birt hér í þessu hefti
Kirkjuritsins. Fyrir altari þjónaði séra Jakob Einarsson pró-
fastur á Hofi, en hann og séra Jón Þorvarðsson í Reykjavík
tóku til altaris.
Kl. 2 síðdegis setti biskup prestastefnuna í kapellu Háskólans.
las ritningarorð og flutti bæn, en prestar sungu sálma. Eins
og áður var samleikur á fiðlu og organ á undan.
Eftir það var gengið í hátíðarsal háskólans. Nefndi biskup
til ritara þá séra Gunnar Árnason, séra Jón Kr. ísfeld, séra
Jónas Gíslason og séra Jón Þorvarðsson. Þá flutti biskup ávarp
sitt og skýrslu. Var athöfn þessari allri útvarpað.
Ávarp biskups.
Kæru starfsbræður og vinir.
Verið velkomnir til þessarar prestastefnu, og þökk fyrir
samverustundina í kirkjunni í morgun. Sérstaklega vil
ég þakka þeim próföstunum, séra Helga Konráðssyni og
séra Jakob Einarssyni, fagra prédikun og þjónustu fyrir
altari. Eg fagna komu yðar, hinna nývígðu presta, hinna
yngri og eldri, sem vinna í þjónustu kirkjunnar víðs vegar
um land allt, og þeirra, sem lagt hafa frá sér hirðisstafinn
að vel unnu verki.