Kirkjuritið - 01.08.1955, Blaðsíða 21

PRESTASTEFNAN 1955
307
Hann kvæntist 1947 Önnu Kristjánsdóttur, skipstjóra í
Reykjavík.
Séra Ragnar var námsmaður mikill og gáfumaður á marga
lund. Hann var tungumálamaður meiri en flestir aðrir og
kennari ágætur, ræðumaður góður og skáldmæltur vel. Jafn-
framt var hann hógvær og hlédrægur. Hann kaus meir en
lœrdómsframa að fylgja föður sínum að starfi. Veitti hann
honum slíka fylgd og hélt svo áfram starfi hans eftir hans
dag, að hann var hinn ástsælasti af sóknarbörnum sínum, yngri
°g eldri, og þótti þeim gott að vera undir bænum hans.
Séra Ólafur Ólafsson, f. prestur í Suðurdalaþingum, andaðist
13. júní, 63 ára gamall, fæddur 30. apríl 1892. Hann var prestur
í Suðurdalaþíngum allan prestsskapartíma sinn, 1928—1952.
Ókvæntur.
Séra Ólafur var stakt góðmenni, sem í engu vildi vamm
sitt vita. Einlægur og viðkvæmur eins og barn, brjóstgóður
°g hjálpsamur, sem hann mátti. Fer ekki hjá því, að sóknar-
börnum hans mörgum hafi orðið hlýtt til hans. Prédikanir
hans þóttu vera hjartnæmar og vel samdar.
Vér minnumst þessara bræðra vorra með virðingu og þökk.
Biðjum Guð að varðveita þá og blessa, störf þeirra og ástvini,
°g rísum úr sætum.
Lausn frá prests og prófastsstörfum fékk séra Friörik J.
Rafnar, vígslubiskup á Akureyri, frá 1. nóvember að telja.
Hann vígðist 1916 að Útskálaprestakalli og þjónaði því til 1927.
Síöan Akureyrarprestakalli 1927—1954. Hann var skipaður
vígslubiskup í Hólastifti hinu forna 5. júlí 1937 og vígður
biskupsvígslu að Hólum 29. ágúst sama ár og gegnir enn
vigslubiskupsembætti. Prófastur í Eyjafjarðarprófastsdæmi
1941—1954. Hann hefir gegnt ýmsum trúnaðarstörfum og samið
rit og ritgerðir allmargar.
Séra Friðrik vígslubiskup hefir þjónað kirkjunni vel og
úyggilega um langt skeið, verið manna kunnugastur löggjöf
hennar og öll prestsstörf farið honum prýðilega úr hendi.
Prédikari hefir hann verið ágætur og altarisþjónusta hans
lögur. Mikið og gott starf liggur að baki honum, og munu enn
margir njóta þess.