Kirkjuritið - 01.08.1955, Blaðsíða 36

322
KIRKJURITIÐ
Víkingur skrifstofustjóri, formaður, Baldur Möller fulltrúi í
dóms- og kirkjumálaráðuneytinu, séra Jón Auðuns dómprófast-
ur, séra Jakob Jónsson og Sigurbjörn Einarsson prófessor.
Nefnd til þess aö semja frumvarp til heildarlaga um malefni
kirkjunnar. 1 henni eru: Biskup, formaður, Gústav Jónasson,
skrifstofustjóri dóms- og kirkjumálaráðuneytisins, og séra
Sveinn Víkingur, skrifstofustjóri biskups.
Kirkjuráðsfundir voru haldnir 1. og 3.—5. nóvember og 21.
og 23. febrúar. Er skýrt frá nóvemberfundunum í janúarhefti
Kirkjuritsins, og læt ég nægja að vísa til þeirra skýrslu. Á
febrúarfundunum var könnuð inneign í sjóðum þeim, sem eru
á vegum Kirkjuráðs, og nemur hún alls 1145925.88 kr. Var
samþykkt að leggja 10000 kr. í Ferðasjóð, er kostaði ferðir til
fyrirlestrahalds og prédikana í skólum, enda væru slíkar ferðir
farnar í samráði við biskup. Kirkjuráð mælti með lagafrum-
vörpum þeim, er lögð voru fyrir Alþingi og áður getur. Enn-
fremur lýsti ráðið ánægju sinni yfir því, að hafizt yrði handa
um prentun Nýja testamentisins. Þá var rætt um kirkjuþing
fyrir þjóðkirkjuna. Var ráðið sammála um, að tímabært væri
að taka það mál til nýrrar athugunar og undirbúa frumvarp
þar um. í kirkjuráði eru auk mín: Gísli Sveinsson f. sendiherra,
Gizur Bergsteinsson hæstaréttardómari, séra Jón Þorvarðsson
og séra Þorgrímur Sigurðsson.
Samþykktum síðustu prestastefnu um líknarmál var fram-
fylgt eftir föngum, og segir nokkuð frá því í Kirkjuritinu.
Kirkjuleg blöð og tímarit hafa komið út hin sömu sem síðast-
liðið ár. Kirkjuritið kom út í níu heftum, Víðförli, eitt hefti,
Bjarmi og Ljósberinn sem áður. Safnaðarblöð eru nú orðin
allmörg, og má þar nefna fyrst og fremst Geisla á Bíldudal
og Æskulýðsblaðið á Akureyri.
Bækur um guðfræðileg efni eða eftir guðfræðinga hafa þessar
komið út á synodusárinu: Trúarbrögð mannkyns eftir séra Sig-
urbjörn Einarsson prófessor, Sönglagasafn séra Friðriks A.
Friðrikssonar prófasts. Æviár eftir dr. Eirík Albertsson, Fyrir
kóngsins mekt, sögulegur sjónleikur, eftir séra Sigurð Einars-
son, Ljóðmæli eftir séra Böðvar Bjamason prófast, Ó, Jesú
bróðir bezti, þýðing séra Garðars Þorsteinssonar prófasts á bók
V. Pewtress: Bible stories retold for children, Skinnastaðar-
kirkja í Axarfirði, aldarminning, ræður, er fluttar voru á af-