Kirkjuritið - 01.08.1955, Blaðsíða 31

PRESTASTEFNAN 1955
317
en ég prédikaSi. Söngflokkur Ólafsvallasóknar söng. Aðalræðu
á útisamkomu hélt dr. Richard Beck. Ennfremur talaði m. a.
séra Sigurbjörn Einarsson prófessor, formaður Skálholtsfélags-
ins.
K.F.U.M. gekkst fyrir sumarmóti í Vatnaskógi og ýmsu
kirkjulegu starfi.
Sunnudaginn 5. júní s.l. var 800 ára afmælis Munkaþverár-
klausturs minnzt veglega með hátíðaguðsþjónustu þar á staðn-
um. Viðstaddir guðsþjónustuna voru vígslubiskupinn séra Frið-
rik J. Rafnar, Akureyri, héraðsprófasturinn séra Sigurður
Stefánsson, Möðruvöllum, auk sóknarprestsins séra Benjamíns
Kristjánssonar. Ennfremur var viðstaddur Valdimar V. Snæ-
varr, skáld á Völlum í Svarfaðardal, sem ort hafði fagran
sálm vegna afmælisins og var sálmurinn sunginn við þetta
tækifæri.
Fyrir altari þjónuðu séra Benjamín Kristjánsson og séra
Sigurður Stefánsson, sem einnig flutti prédikun, en sóknar-
presturinn minntist klaustursins og ábóta, er þar störfuðu, 27
að tölu, í sérstöku erindi. Sörigflokkar Munkaþverárkirkju og
Glerárþorps önnuðust kirkjusöng með mikilli prýði undir stjórn
Áskels Jónssonar. Öll var þessi athöfn hin hátíðlegasta. Stað-
urinnurinn var fánum skreyttur og kirkjan prýdd blómum.
Aðalhvatamaður þess, að hátíðin var haldin, var séra Benja-
mín Kristjánsson, og á hann miklar þakkir skyldar fyrir það.
Erindi hans birtist í Kirkjuritinu.
Aðalfundur Hins íslenzka Biblíufélags var haldinn í Dóm-
kirkjunni í Reykjavík 17. nóvember, og er skýrt frá honum
í janúarhefti Kirkjuritsins. Rétt er að geta þess sérstaklega,
að Ingibjörg Ólafsson, sem þá var kosinn heiðursfélagi, hefir
mjög greitt götu félagsins í Englandi. Hefir nú tillag þess til
Hinna sameinuðu Biblíufélaga verið lækkað niður í £ 10 á ári,
en það var áður óeðlilega hátt.
Prentun Nýja testamentisins með stóru og skýru letri er
þegar hafin, og annast h.f. Leiftur hana með góðum kjörum
fyrir félagið. Ætlunin er sú, að bókin komist í bókaverzlanir
um land allt fyrir jól og verði seld í góðu bandi við vægu
verði. Mun þá bætt úr hinni brýnustu þörf. Fjársafnanir á
Biblíudaginn, annan sunnudag í níu vikna föstu, 13. febrúar,
gengu betur en í fyrra, og söfnuðust alls um 6500 kr. Þakka