Kirkjuritið - 01.08.1955, Blaðsíða 25

PRESTASTEFNAN 1955
311
nessprófastsdæmi frá 1. júní, og býð ég þá velkomna í flokk
Prófasta landsins.
Enn þarf að kjósa prófasta í fjórum prófastsdæmum og þjóna
settir prófastar þremur þeirra.
Þann stutta tíma, sem ég hefi gegnt biskupsembætti, höf-
um vér orðið að kveðja sjö af próföstunum, eða þriðjung
allra prófasta landsins. Svo hraðfara geta breytingar lífsins
orðið.
í guðfræðisdeild Háskólans varð sú breyting á, að Þórir Kr.
Þórðarson guðfræðikandidat var skipaður dósent 1. október, en
séra Guðmundur Sveinsson á Hvanneyri lét af kennslu.
Úr deildinni útskrifaðist í janúarmánuði Þorleifur Kjartan
Kristmundsson einn. En í vor: Hannes Guðmundsson, Ólafur
Skúlason og Tómas Guðmundsson.
Einn guðfræðingur hefir verið ráðinn til þess í sumar að
starfa með presti og fá þannig reynslu í prestsstarfi. Er það
Guðmundur Þorsteinsson, sem starfar með föður sínum, séra
Þorsteini prófasti Gíslasyni í Steinnesi.
Óveitt eru fjórtán prestaköll:
1. Hofteigsprestakall í Norður-Múlaprófastsdæmi. Því þjónar
sóknarpresturinn að Kirkjubæ í Hróarstungu.
2. Hof í Örœfum í Austur-Skaftafellsprófastsdæmi, sem sókn-
arpresturinn að Kálfafellsstað þjónar.
3. Fellsmúli í Rangárvallaprófastsdæmi, sem sóknarprestur-
inn að Kirkjuhvoli þjónar.
4. Þingvallaprestakall í Árnessprófastsdæmi, og þjóna því
sóknarprestarnir að Mosfelli í Grímsnesi og Mosfelli í
Mosfellssveit.
5. Brjánslœkjarprestakall í Barðastrandarprófastsdæmi. Því
þjónar sóknarpresturinn í Flatey.
6. Hrafnseyrarprestakall í Vestur-ísafjarðarprófastsdæmi.
Því þjónar áfram settur prestur, séra Kári Valsson.
7. Ögurþing í Norður-ísafjarðarprófastsdæmi. Þeim þjónar
settur prestur, séra Rögnvaldur Jónsson.
3- Staöarprestakall í Grunnavík í Norður-ísafjarðarprófasts-
dæmi. Því þjónar sem settur prestur, séra Stefán Lárusson.
9- Vatnsfjarðarprestakall í Norður-ísafjarðarprófastsdæmi.
Því þjóna sóknarprestarnir að ísafirði og í Ögurþingum.
■^9- Tjarnarprestakáll á Vatnsnesi í Húnavatnsprófastsdæmi.