Kirkjuritið - 01.08.1955, Blaðsíða 19

PRESTASTEFNAN 1955
305
Yfirlitsskýrsla biskups.
Að venju fyrirrennara minna mun ég nú flytja skýrslu um
starf og hag kirkju íslands á liðnu synodusári.
Vér höfum átt á bak að sjá 6 prestum úr flokki vorum.
Séra Jónmundur Halldórsson, prestur að Stað í Grunnavík,
andaðist 9. júlí, fimm dögum eftir áttræðisafmæli sitt, og
hafði þá nýfengið lausn frá prestsskap. Hann var aðstoðar-
Prestur í Ólafsvík 1900—1902, prestur að Barði í Fljótum
1902—1915 og í Mjóafirði síðan nokkra mánuði. Vorið 1916
varð hann prestur að Stað í Grunnavík og þjónaði því presta-
kalli óslitið til fardaga 1954. Hann var þannig orðinn júbíl-
prestur. Hann gegndi ýmsum öðrum trúnaðarstörfum, var
meðal annars sýslunefndarmaður í 40 ár.
Hann kvæntist árið 1900 Guðrúnu Jónsdóttur, bónda í Eyrar-
Uppkoti í Kjós, og eignuðust þau 7 börn.
Séra Jónmundur var í engu meðalmaður. Hann var manna
mestur vexti og sterkastur og ágætlega íþróttum búinn. Þrek
hans var frábært, að hverju sem hann gekk. Hann lét hag
sóknarbarna sinna mjög til sín taka og var forustumaður í
félagsmálum þeirra og framfara. Búhöldur góður og hjálp-
samur öðrum. Hann setti mjög svip á sveit sína, og mun það
honum einkum að þakka, að enn er Grunnavík í byggð. Prédik-
arahæfileika mun hann hafa haft góða, enda var hann — sér-
staklega á efri árum — tilþrifamikill og sérkennilegur rit-
höfundur.
Séra Eiríkur Helgason, prófastur í Bjarnanesi, lézt 1. ágúst.
Hann var fæddur 16. febrúar 1892. Hann var prestur í Sand-
fellsprestakalli í Öræfum 1918—1931 og í Bjarnanesi 1931—
1942 og 1943—1954. Auk þess þjónaði hann um skeið hinum
Prestaköllunum í Austur-Skaftafellsprófastsdæmi og öllum þeim
nokkra hríð. Ennfremur Berufjarðarsókn. Hann var prófastur
frá 1944. Stjórnmál lét hann nokkuð til sín taka og var í fram-
boði til Alþingis. Hann kvæntist 1918 önnu Elínu Oddbergs-
dóttur, verkamanns í Reykjavík. Áttu þau 5 börn.
Séra Eiríkur var vinsæll og vel metinn prestur, enda prédik-
ari góður og hafði fagra söngrödd. En meir mun þó hafa
valdið samhugur hans með öllum, er bjuggu við bágindi og
erfiðleika, eða voru minni máttar. Bræðralagshugsjónin var
20