Kirkjuritið - 01.12.1956, Side 11

FRANS FRA ASSISI
449
er yður skylt að lofsyngja Honum ævinlega og alls staðar. Því
að Hann hefur veitt yður frelsi til að fljúga í allar áttir og þar
að auki tvenns konar, já, þrenns konar skrúða. Hann varðveitti
sæði yðar í örk Nóa, svo að tegund yðar dæi ekki út í heiminum.
Verið Honum og þakklátar fyrir loftið, sem hann hefir útvalið
sem heimkynni yður til handa. Hvorki sáið þér né uppskerið,
en Drottinn Guð fæðir yður og gefur yður fljótin og lindirnar
yður til svölunar. Hann veitir yður fjöll og dali til hælis og lætur
yður hávaxin trén í té, svo að þér getið byggt þar hreiður yðar.
Og þótt þér kunnið hvorki að spinna eða sauma, þá lætur Drott-
inn aldrei af að klæða yður og börn yðar. Slíka ást hefir Skapar-
inn á yður, að Hann veitir yður svo margar og miklar velgerðir.
Systur mínar, varizt því synd vanþakklætisins en verið jafnan
kostgæfnar við að lofa Guð.“
Þegar Frans helgi mælti þessi orð, fóru allir fuglarnir að opna
gogginn, teygja fram álkurnar og baða vængjunum. — Beygðu
þeir höfuð sín í djúpri lotningu niður til jarðar og með tilburðum
og söngvum létu þeir skýrt í ljósi, að orð vors helga föður höfðu
veitt þeim afarmikla gleði. Og Frans helgi gladdist með þeirn,
fannst mikið til um þá og fagnaði því að ganga um á meðal
þeirra og tala. Því að hann undraðist stórum margbreytileik
fuglanna, fjölskrúð fegurðar þeirra og eftirtekt þeirra og trúnað.
Sakir alls þessa lofaði hann innilega Guð, sem liafði skapað þá.
Þegar prédikuninni var lokið, gerði Frans helgi krossmark yfir
þeim og leyfði þeim að halda af stað. Og allir fuglarnir lyftu
sér samtímis sem einn herskari með ljúfum söng mót himni. Síð-
an skiptu þeir sér í fjóra flokka í líkingu við krossmarkið, sem
Frans helgi hafði gert yfir þeim, og flaug einn flokkurinn í aust-
ur en annar í vestur, þriðji í suður, fjórði í norður, og hver skarinn
um sig söng undursamlega fagurt.
Með þessum hætti boðuðu þeir, að eins og Frans helgi, merk-
isberi krossins Krists, hefði prédikað fyrir þeim og gert kross-
mark yfir þeim, en þeir síðan syngjandi stefnt í allar heimsátt-
irnar, svo skyldi prédikunin um krossinn Krists, sem Frans helgi
hafði endurvakið, berast út um allan heiminn bæði af honum
og reglubræðrum hans.