Kirkjuritið - 01.02.1959, Page 5

KIRKJURITIÐ
51
Þriðja verkefnið var útgáfa málgagns fyrir kirkjuna, og
var ákveðið á stjórnarfundi, að það skyldi vera ársrit og
koma út í fyrsta sinn haustið 1919. Ritstjóri var ráðinn
Sigurður P. Sívertsen, prófessor. Á prestastefnu vorið
1919 var svo formlega gengið frá félagsstofnuninni, sam-
Þykkt lög félagsins og kosin stjórn.
Vík ég þá að útgáfu málgagns Prestafélagsins. Kom það
út í fyrsta sinn haustið 1919 og bar nafnið: Prestafélags-
ritið — tímarit fyrir kristindóms- og kirkjumál. Áður
höfðu verið gefin út blöð um kirkjumál. Árið 1891 hóf
Þórhallur Bjarnarson, síðar biskup, útgáfu Kirkjublaðs-
ins, sem var mánaðarrit. Þá kom Verði ljós, útg. aðallega
af Jóni Helgasyni, og síðar Nýtt kirkjublað, sem Þórhall-
ur Bjarnarson gaf út til dauðadags 1916. Fundu nú kirkj-
unnar menn tilfinnanlega til þess, að ekkert slíkt rit var
gefið út á tímabili. Að vísu hafði blaðið Bjarmi verið gef-
ið út í mörg ár af séra Sigurbirni Á. Gíslasyni, en hér
þurfti nýtt málgagn. Um það segir Sigurður P. Sívertsen
í formála fyrir Prestafélagsritinu: „Að þörf sé á slíku
riti, er eingöngu fjalli um kristindóms- og kirkjumálin,
þarf ekki að rökstyðja. Til þeirrar þarfar hafa menn of
almennt fundið, — ekki sízt nú síðustu árin eftir að Nýtt
kirkjublað hætti að koma út, til þess að sannfæra þurfi
þá, sem kaupa og lesa rit með þessu nafni — um nytsemi
þess og nauðsyn. Öhætt mun að fullyrða, að fjöldamargir
af kirkjunnar mönnum hafa þráð að eignast kirkjulegt
málgagn — einkum tímarit, er flytti fyrirlestra og lengri
ritgerðir en þær, er birzt geta í einu lagi í kirkjulegu
mánaðarriti eða í viku- og dagblöðunum. En hitt var mönn-
um ekki ljóst, hvernig hægt væri að halda úti slíku riti,
jafn erfitt og orðið er um alla bókaútgáfu hér á landi.
Treystist enginn guðfræðinga vorra til að gefa slíkt rit
út á eigin kostnað. En félagsskapur var ekki neinn til í
því skyni að kosta útgáfu tímarits. Úr þessu rættist með
stofnun Prestafélags Islands.“ Ennfremur segir í formál-
anum: „Tímaritið vill vinna að því markmiði, sem Presta-