Kirkjuritið - 01.02.1959, Síða 8

54
KIRKJURITIÐ
framgang þess, enda bárust og mótmæli víðs vegar að af
landinu. Þjóðin vildi ekki þá skerðingu kirkjustarfsins,
sem hlaut að leiða af samþykkt frumvarpsins.
Að sjálfsögðu hefir Prestafélagið ávallt, sem stéttarfé-
lag, haft afskipti af launamálum stéttarinnar, m. a. með
þátttöku i Bandalagi starfsmanna ríkis og bæja, síðast, er
ný launalög voru samþykkt í árslok 1955.
Það leiðir af sjálfu sér, að mörg þau mál, sem rædd eru
á fundum Prestafélagsins, eru þau sömu og til meðferðar
eru á synodus — það eru kirkju- og kristindómsmál al-
mennt og ýmsir þættir kirkjustarfsins. En auk þess hefir
Prestafélagið rætt og gert samþykktir um ýms önnur mál,
svo sem fátækramál og framfærslu-, líknar- og mannúðar-
mál, barnavernd og fræðslumál. M. a. voru fræðslulögin
nýju — meðan þau voru í undirbúningi — aðalmál Presta-
félagsfundar á Akureyri 1945. 1 þessu sambandi má geta
þess, að samkvæmt lögum tilnefnir Prestafélagið mann í
Barnaverndarráð íslands, og hefir kirkjan þann veg að-
stöðu, sem kirkjur hinna Norðurlandanna hafa ekki, og
má þakka þann skilning og það traust, sem íslenzku kirkj-
unni er þannig sýnt af valdhöfum.
Þegar Prestafélag Islands var stofnað — var gert ráð
fyrir því, að stofnaðar yrðu deildir þess í ýmsum lands-
hlutum, til þess að auðvelda samstarf prestanna. Þetta var
og gert. Deildir voru stofnaðar fyrir og eftir 1930 — fyrir
Austurland og Vestfirði — Hallgrímsdeild fyrir Miðvestur-
land og Guðbrandsdeild fyrir Skagaf jarðar- og Húnavatns-
prófastsdæmi. Hafa þessar deildir starfað vel — ein þeirra,
Prestafélag Vestfjarða, hefir gefið út ársrit — Lindina,
og þó ekki árlega. Það hefir í mörgum tilfellum reynzt
hagkvæmt fyrir stjórn Prestafélags Islands, að geta átt
samstarf við stjórnir deildanna, einkum formennina. Var
og sú skipun gerð fyrir stuttu, að þeir, ásamt stjórn Presta-
félagsins, mynda fulltrúaráð, sem gert er ráð fyrir að
komi saman, þegar um stærri mál er að ræða.
Um nokkurt skeið hafði Prestafélag íslands forgöngu