Kirkjuritið - 01.02.1959, Page 12

58
KIRKJURITIÐ
játningum sínum, áhugamál sín í verki, boðskap sinn, prests-
legt starf, kirkjustjórn og trúboð.
í því er tekin ákveðin stefna að einingu og endurnýjun kirkju
Krists.
í Alkirkjuráðinu eru kirkjur, sem trúa á Krist sem Guð og
frelsara. Það er sameiginleg undirstaða þeirra og tengir þær
hverja annari. Þar er „einn drottinn, ein trú, ein skírn, einn
Guð og faðir allra“, og fyrir því mega kristnir menn ólíkra
trúarflokka ekki lítilsvirða hverir aðra né berjast innbyrðis.
Þeir verða að reyna að leita einingar í honum og vinna saman
í vitnisburði og þjónustu.
Það er heilagur andi, sem skapar þetta samfélag og andlega
samband, er birtist í Alkirkjuráðinu, samstarfi kirknanna.
Engin kirkja er knúin til þess að gerast þátttakandi í ráðinu,
heldur ræður hver kirkja því sjálf af eða á. Flestallar stærri
kirkjur Mótmælenda og Anglíkönsku kirkjurnar eru í Alkirkju-
ráðinu. í því eru þjóðkirkjur Vestur-Evrópu, nokkrar kirkjur
Suður-Evrópu og Austur-Evrópu, þrjátíu og ein kirkja, sem
eru til samans tveir þriðju hlutar Mótmælenda og Orþódoxu
kirkjunnar í Bandaríkjunum og margar kirkjur í Asíu, Afríku
og Suður-Ameríku, sem nýlega hafa gerzt óháðar. Forna höfuð-
biskupsumdæmið í Konstantinópel og systurkirkjur þess í Alex-
andríu og Antíokkíu og kirkjur Grikklands og Kýprusar eiga
þátt í ráðinu. Ennfremur eru þar þátttakendur kirkjurnar fornu
á Egiptalandi, í Eþíópíu og Suður-Indlandi, og Gamal-kaþólsku
kirkjurnar í Evrópu og Bandaríkjunum. Utan sambandsins eru:
Baptistar og Missouri Synódan í Bandaríkjunum, Orþódoxa
kirkjan rússneska og Rómversk-kaþólska kirkjan.
Raunverulegt starf Alkirkjuráðsins.
Til þess að inna skyldustörf sín af hendi þarf Alkirkjuráðið
nauðsynlega að hefja fjölþætta rannsókn, alls konar þjónustu
og framkvæmdir. Víðtækar skýrslur, ýtarleg ágrip ög smárit
segja frá störfum ráðsins. Skal hér greina aðeins fá dæmi um
þá þjónustu, sem kirkjurnar hafa unnið og vinna á vegum ráðs-
ins.
Flóttamannahjálpin hefir komið 100000 flóttamönnum fyrir
í nýjum löndum, og nú vinnur 500 manna starfslið að því að
koma bögglasendingum til 150000 flóttamanna. Er starfað að