Kirkjuritið - 01.02.1959, Page 35

KIRKJURITIÐ
81
Á barnaheimilinu Sólheimum koma sífellt fram þarfir, sem
ekki er hægt að fullnægja vegna fjárskorts, rétt eins og gengur
þar sem mannúðin ræður meir en efnahagurinn. í tilefni af
þessum tímamótum i sögu Sólheima og í viðurkenningarskyni
fyrir hið mikla og óeigingjama starf frú Sesselju Sigmunds-
dóttur væri það einkar vel viðeigandi, að áhugamenn um upp-
eldi andlega vanheilla og annarra afbrigðilegra barna legðu
fram dálítið fé í sjóð, sem frú Sesselja réði yfir til framkvæmda
1 þágu barnaheimilisins. — Ég hefi leyfi til að skýra frá því
hér, að barnaheimilisnefnd þjóðkirkjunnar hefir í dag stofnað
slíkan sjóð með 25 þús. króna framlagi, Barnaverndarfélag
Reykjavíkur hefir lagt fram 15 þús. krónur og Styrktarfélag
vangefinna 20 þús. krónur í sama skyni. Fleiri félög og ein-
staklingar hafa þetta mál til athugunar. Ég vona, að margir
taki þátt í þessu, þótt ekki ráði allir yfir stórum upphæðum.
Með slíkum stuðningi getum við bezt vottað skylt þakklæti
fyrir óvenjulegt afrek og aukið gleði og hamingju þeirra barna,
sem bágast eiga.
Ég vil að lokum þakka frú Sesselju hið mikla líknar- og
menningarstarf, sem hún hefir unnið. Jafnframt áma ég barna-
heimilinu Sólheimum allra heilla í framtíðarstarfi.
Eg veit ég mæli þessi orð fyrir margra munn.
Reykjavík, 12. janúar 1959.
Matthías Jónasson.
Þú vilt hróður heyra þinn,
hafðu slikt við aðra,
veikum bróður vægðir inn,
vef í tjóður lastyrðin.
Kvis, álýgi, kals og bann,
kjósa viltu eigi,
varast þvi að vondskap þann
viður drýgir nokkurn mann.
Þolinmæði þjáir styggð,
þolinmæði vinnur,
þolinmæði þróar dyggð,
þolinmæði sóar hryggð.
(Úr Þorlákskveri.)
6