Kirkjuritið - 01.02.1959, Side 43

íslandsvinur í Svíþjóð
„Bréf þín koma til mín eins og hressandi andblær frá eyj-
unni kæru í vestri“. Þannig segir Gunnar Thyrestam organisti
við mig í einu bréfa sinna. Einnig segir hann: „Frá því að ég
var lítill strákur, hefir ísland og allt, sem tilheyrir Islandi, vak-
ið aðdáun mina og hlýjar tilfinningar."
Hann er fæddur árið 1900. Eftir skólanám sitt vann hann um
tíma í utanríkisþjónustunni. Lærði tónlist við Kgl. tónlistarhá-
skólann í Stokkhólmi 1925—30 og tók þá próf í kirkjutónlist.
Tónsmíðar nam hann hjá prófessor Ellberg í Stokkhólmi og
tónskáldinu E. Tubin, einnig í tónlistarháskólanum í Potsdam.
Árið 1954 var hann ráðinn organisti við Kirkju heilagrar þrenn-
ingar í Gávle og þar starfar hann nú. Orgelsverk hans og hljóm-
sveitartónverk hafa verið flutt í mörgum löndum, t. d. Englandi,
Þýzkalandi, Hollandi og U.S.A. Hann var kosinn formaður
sænska tónskáldafélagsins 1952 og hefir verið sæmdur ýmsum
viðurkenningum fyrir tónsmíðar.
Myndin, sem fylgir greinarkorni þessu, er af Kirkju heilagrar
þrenningar i Gávle og orgelinu, sem Gunnar Thyrestam leikur á,
en það er nýlega endurbyggt, hefir 3 hljómborð og 52 registur.
Þessi ágæti organisti hefir tekið upp þann sið að flytja öðru
hvoru nokkurs konar kynningartónleika í kirkjunni. Leikur hann
þá á orgelið kirkjulega tónlist frá einhverju sérstöku landi ein-
göngu hvert skipti. Tónlistarlíf er mjög auðugt í Gávle, og fell-
ur þetta því í góðan jarðveg þar í borg. Áhrif kirkjutónlistar-
innar eru sterk, og hún er vel fallin til að tengja þjóðirnar
saman, vegna þeirrar lotningar, tilbeiðslu og trúar, sem hún á
að túlka, til sameiginlegs Guðs og föður alls mannkyns. Eins
°g sjá má í Kirkjuritinu, hefir Gunnar Thyrestam flutt talsvert
af íslenzkri kirkjumúsik á áðurnefnum hljómleikum sínum,
eftir eldri og yngri tónhöfunda íslenzka.
Eg lýk svo þessum orðum með því að láta í ljós þá von, að
einhverjir yrðu til þess að bjóða þessum góða listamanni og
mikla íslandsvini hingað til lands, þar sem hann gæti flutt