Kirkjuritið - 01.03.1959, Page 22

116
KIRKJUKITIÐ
hann fyrir 1561. — Séra Jón hefir átt Tjörn í Aðaldal, er síð-
ar varð Hólastólsjörð, og gerði Ólafur nokkur sonur hans til-
kall til jarðarinnar, en varð að sleppa af henni að líkindum til
Hólastóls.
2. Séra Oddur Jónsson gamli hefir verið heimilisprestur hjá
Vigfúsi sýslumanni Þorsteinssyni að Ási í Kelduhverfi um 1550
—1558. En í Nesi er hann um 1558—1564. Hélt þá Presthóla
1565—1592. Fékk þá aftur Nes 1601 og fær þá styrk af presta-
tillagi. Hann mun koma eitthvað við þjóðsagnir; en um upp-
runa hans né annað að honum lútandi mun nú ekki kunnugt.
Næst skal þá talinn almerkasti klerkurinn, sem verið hefir
í Nesi, en það er
3. Einar Sigurðsson síðast prófastur í Eydölum. Hann er
talinn fæddur í Hrauni í Aðaldal 1538, en dáinn 15. júlí 1626.
Foreldrar hans voru Sigurður Þorsteinsson prestur á Stað í
Kinn, en síðast í Grímsey, og Guðrún Finnbogadóttir ábóta að
Munkaþverá, Einarssonar. Hann nam fyrst skólalærdóm hjá
föður sínum, en síðar hjá séra Birni Gíslasyni, er þá hélt
Möðruvallaklaustur. Tekinn var hann í Hólaskóla 1552, útskrif-
aðist þaðan 1557 og vígðist sama ár aðstoðarprestur að Möðru-
vallaklaustri. Fékk svo Mývatnsþing 1560 eða 1561, og mun
þá hafa búið eitthvað á Helluvaði. En Nes fékk hann 1564.
Var hann um þessar mundir mjög fátækur og fékk styrk af fé,
er ætlað var til þurfandi presta. Prófastur var hann í Þing-
eyjarþingi frá 1572. Sumarið 1589 kom Oddur sonur hans, er
þá var orðinn biskup í Skálholti, norður að Nesi, á vísitazíu-
ferð sinni til Austfjarða, og bauð biskup þá föður sínum til
sín suður í Skálholt með allt sitt fólk, og tók séra Einar því
með þökkum. Hafði hann þá verið prestur í Nesi í 25 ár. Fór
svo séra Einar að norðan um haustið suður Vatnahjallaveg
með alla fjölskyldu sína, og auk þess séra Sigurður sonur hans
með konu sína, Ingunni Jónsdóttur frá Einarsstöðum, Orms-
sonar, og eitt barn þeirra ungu hjóna. Var þessi flokkur 16
manns, og var litlu áður kominn í Skálholt en Oddur biskup
kom heim úr kirkjuvitjunarferð sinni. Var svo allt þetta fólk
í Skálholti um veturinn. Á næsta ári — 1590 — setti biskup
föður sinn að Hvammi í Norðurárdal og fékk honum einnig
prófastsdæmi í Þverárþingi vestan Hvítár. En á næsta hausti
veitti biskup honum Eydali í Breiðdal, og sat hann þar til ævi-