Kirkjuritið - 01.03.1959, Side 25

KIRKJURITIÐ
119
hverfi, 2. Jón siðamaður, prestur að Hvammi í Laxárdal, 3.
Magnús í Rauðaskriðu, sem býr á Núpum við manntalið 1703,
16 ára, 4. Arnbjörg, sem ókunnugt er um.
Af séra Þórði er komin allmikil ætt, og er t. d. Sigurður Geir-
finnsson hreppstjóri á Landamóti 8. maður frá honum í beinan
karllegg.
5. Guömundur Bjarnason (fyrri) dáinn 1668 (1660—1668).
Hann var sonur Bjarna prests Gamalíelssonar á Grenjaðarstað,
er bræðrungur var við Guðbrand biskup, og konu hans Þuríðar
Guðmundsdóttur. Séra Guðmundur varð fyrst aðstoðarprestur
í Múla (um 1615), en síðan aðstoðarprestur föður síns á Grenj-
aðarstað 1624 og hlaut þá Þverársókn í Laxárdal sér til upp-
eldis. Tók svo við Grenjaðarstað að fullu 1636. Séra Guðmundur
aiun ekki hafa verið mikill fésýslu- eða ráðdeildarmaður. Þótti
hann níða Grenjaðarstað niður, og kom svo, að konungsbréf
kom út um það efni. Segir konungur (Friðrik III) þar, að fyrir
sig hafi komið, að séra Guðmundur níði niður Grenjaðarstað
°S fækki kúgildum hans. Skipar konungur biskupi að láta gera
rannsak hér um. 7. maí 1659 er Grenjaðarstaður uppskrifaður
af Gísla biskup Þorlákssyni og öðrum fleiri yfirmönnum, og
undirskrifar séra Guðmundur þá uppskrift. 27. júní 1660 gaf
hann upp Grenjaðarstað við Skúla Þorláksson, þá rektor á Hól-
um, en fékk þá samtímis Nes við fráfall séra Þórðar Ólafs-
sonar, og var þar til dauðadags, eða 8 ár.
Fyrri kona séra Guðmundar var Kristín Ólafsdóttir, prófasts
1 Kirkjubæ, sonardóttir séra Einars Sigurðssonar, og urðu þau
barnlaus. En seinni kona séra Guðmundar hét einnig Kristín,
Arnadóttir lögsagnara á Grýtubakka Magnússonar. Áttu þau
börn nokkur, er upp komust, og voru meðal þeirra: Þorsteinn
bóndi á Granastöðum (1703), Páll á Reykjum í Reykjahverfi,
°S Þuríður kona Jóns Illugasonar í Skógum á Þelamörk, er kall-
aður var ,,lærði“ og kenndur við fjölkynngi; en hann var bróð-
ir Helga Illugasonar á Fjalli, forföður Sílalækjarættar.
Mun enn- mega rekja ættir frá afkomendum séra Guðmundar,
°S yrði það mikill ættbálkur.
6. Gunnlaugur Jónsson (1669—1675). Foreldrar hans voru .
séra Jón Þorvaldsson á Skinnastöðum og seinni kona hans
Kristín Grímsdóttir. — Séra Gunnluagur er orðinn prestur á
Stað í Kinn 11. febr. 1656, en fór þaðan 1665 og skildi illa við