Kirkjuritið - 01.12.1975, Síða 28

— Já, þeir koma út á næstunni.
— Við síra Arngrímur komum inn í
verzlun í Reykjavík þá daga, sem mót-
ið stóð. Þar var okkur sagt, að spurt
hefði verið eftir bókum eftir Bo Giertz
á íslenzku, en þær voru þá engar til í
þeirri sömu ágætu verzlun-
Hér má skjóta inn þeirri athuga-
semd, að Kristilegt stúdentafélag gaf
út þrjá bæklinga í sumar, og eru tveir
þeirra eftir Bo Giertz, biskup, en sá
þriðji eftir George Johnsen, sem einnig
var ræðumaður á stúdentamótinu hér.
En þeir síra Jón segja, að annirnar
vegna mótsins hafi valdið því, að ekki
hafi tekizt að koma bæklingunum á
almennan markað fyrir mótið. Hins
vegar voru þeir til sölu á mótinu og
seldust þar all vel. Gísli segir raunar,
að bóksalan á mótinu hafi verið geysi-
mikil, og seldust þar bæði íslenzkar
og erlendar bækur.
— Það sagði mér stúlka, sem var
þarna eitthvað við sölu, að m. a. hefði
selzt all mikið af Biblíum. Er það rétt?
— Já. segir Gísli. Það seldust Biblí-
ur fyrir 60 þúsund krónur.
Enn má bæta því hér við, að Bóka-
gerðin Lilja gaf út eina skáldsögu
eftir Bo Giertz árið 1948 í þýðingu
Sigurbjarnar Einarssonar, nú biskups.
Hún nefnist á íslensku ,,í grýtta jörð.“
Ein rödd og þúsund
Þessu næst er lítillega minnzt á finnsk-
an ræöumann, Raimo Mákelá, stúd-
entaprest. Hann er ungur maður, en
hefur verið framkvæmdastjóri finnsku
stúdentahreyfingarinnar í sjö ár. Fastir
starfsmenn stúdentafélaganna þar eru
tuttugu. Meðal finnskra stúdenta gætir
mikils áhuga fyrir kristniboði meðal
heiðingja, og hefur stúdentahreyfing-
in sent kristniboða til Eþíópíu, er
starfa þar í samvinnu við norska og
íslenzka kristniboða.
Raimo Mákelá ræddi um dóm Guðs
á kvöldsamkomu 7. ágúst. Viðstaddir
eru sammála um, að ræða hans hafi
verið vönduð og góð, en trúlega helzt
til löng og strembin fyrir óvana.
Skálholtsreisa kemur og til orða,
en henni hafa þegar verið gerð nokkur
skil í Kirkjuriti, svo að ekki er þörf að
orðlengja um hana frekar. Þó er sum-
um viðstöddum minnisstætt, hversu
snortin kempan, Torsten Josephsson,
var í kirkjunni, er sunginn var sálmur-
inn um Jesú nafn í lok guðsþjónust-
unnar. Fyrir fjórum árum kom hann í
Skálholt í fyrsta sinni með þeim
finnsku félögum sínum, sem áður gat-
Var þá skólafólki úr nágrenni staðar-
ins boðið að koma og hlýða á gest-
ina, en næsta fáir þágu boðið, og
vissu þeir, sem ekki komu, lítt, hvers
þeir í misstu. Gospelteamet stóð þá a
hátindi, og mun vart ofmælt, að betri
samsöngur svo lítils hóps, fimm og
sex stúdenta, hafi sjaldan eða varla
heyrzt á Norðurlöndum. i kirkjunni
voru þá örfáar sálir, en Torsten Jos-
ephsson ávarpaði gesti í lok samkom-
unnar og baðst leyfis að mega syngj3
einn þann sáim, er föður hans hefð'
verið einna kærstur. Síðan söng hann
með þrumuraustu þann sama sálm um
Jesú nafn. Snortinn var hann einnig
þá,því faðir hans var þá nýlega látinn-
Hann mun hafa verið kunnur predikan
bæði í Svíþjóð og í Noregi.
266