Nýjar kvöldvökur - 01.01.1935, Side 48

O. H e n r y.
Gjafir vitringanna.
(Úr »The Four Million«).
Einn dalur og áttatíu og sjö cent. Það
var allt. Og sextíu og sjö cent af því
voru í tómurn koparhlunkum. Kopar-
hlunkum, sem höfðu verið herjaðir, einn
fyrir einn, út úr grænmetissalanum,
kryddbúðinni, eða kjötkaupmanninum,
eftir þvílíkt hörkuþjarg, að smánarröð-
inn hljóp út í kinnarnar bara við endur-
minninguna. Þrisvar sinnum taldi Dellí
fjársjóðinn. Einn dalur og áttatíu og sjö
cent. — Og næsti dagur var jóladagur-
inn.
Hér var auðsjáanlega ekkert annað að
gera, en kasta sér upp í legubekksræfil-
inn og hágráta. Hvað Dellí líka gerði.
Sem gefur mér tækifæri til þeirrar heim-
spekilegu athugasemdar, að lífið sé sam-
bland af tárum og brosum, — með tár-
unum í meirihluta.
Á meðan húsmóðirin er aö gráta út,
skulum við líta yfir húsakynnin. Venju-
leg átta dala »möbleruð« fjölbýlisíbúð.
Það er nokkurnveginn nægileg lýsing. Á
forstofuhui’ðinni var póstkassi, sem engu
bréfi varð í komið, rafmagTisbjalla, sem
enginn dauðlegur mannsfingur gat feng-
ið til að hringja, og loks nafnspjald, sem
á var ritað »James Dillingham Young«.
Dillingham-nafninu hafði verið bætt á
nafnspjaldið í burgeislegnm rembingi, á
meðan að eigandinn hafði 80 dali í kaup
um vikuna. En nú, eftir að vikulaunin
voru hrörauð ofan í 20 dali, voru bók-
stafirnir í »Dillingham« orðnir máðir og
ógreinilegir, eins og væri þeir alvarlega
að hugsa um að draga sig saman í eitt
yfirlætislaust og hæverskt D. En hvenær
sem herra James Dillingham Young kom
heim og opnaði dyrnar, var hann kallaður
»Jim«, og faðmaður og kysstur af frú
James Dillingham Young, sem lesandinn
þegar hefur verið kynntur fyrir undir
nafninu Dellí. ■—- Sem er nú allt saman
gott og blessað.
— Þegar Delli hafði lokið grátkvið-
unni, greip hún púðurdúskinn og hressti
upp á andlitið á sér. Hún gekk út að
glugganum og horfði dapurlega á gráan
kött, sem sat á grárri trégirðingu í grá-
um bakgarðinum. — Næsti dagur var
jóladagurinn, og hún átti aðeins $ 1.87
til að kaupa jólagjöf handa Jim fyrir.
Mánuðum saman hafði hún sparað hvert
hugsanlegt cent, og aurað sarnan allt
hvað hún gat, og þetta var árangurinn.
Tuttugu dalir á viku eru ekki til marg-
skiptanna. Og útgjöldin höfðu reynzt
meiri en hún gjörði ráð fyrir. Sem er
nú þeirra plagsiður. — Aðeins $ 1.87 til
að kaupa fyrir jólagjöf handa Jim.
Handa Jim hennar. Marga sæla dag-
drauma hafði hana dreymt um hvað hún
ætlaði að gefa honurn fallega jólagjöf.
Eitthvað vandað, eitthvað sjaldgæft og
skírt, — eitthvað, sem örlítið nálgað-
ist að eiga skilið þann mikla heiður, að
vera í eigu Jims. —
— 1 karminum á milli glugganna var
greypt ofurlítil spegilræma. Það heyrir
til í öllum átta dala íbúðum. Þvengmjór