Sjómannadagsblaðið - 01.06.1977, Page 13
FORSETI ÍSLANDS,
DR. KRISTJÁN ELDJÁRN:
Sjómennskan
er jafngömul
þjóðinni
Stofnun Sjómannadagsráðs fyrir fjórum áratug-
um var merkilegt framtak fyrir þá sök að hún bar
vitni um nýjan þjóðfélagslegan metnað sjómanna
sem stéttar, vaxandi vitund um rétt og getu sjálfra
sín og skilning á mikilvægu hlutskipti sínu í ís-
lensku þjóðfélagi. Sjómannastéttin er ekki gömul
sem skýrt afmörkuð þjóðfélagsstétt. Það er ekki
ýkja langt síðan allir sjómenn voru öðrum þræði
sveitamenn, bændur og vinnumenn, og þeir sem
muna aftur fyrir heimsstyrjöldina miklu bera sér
glöggt í minni, hvernig fólk í sjávarplássunum
stundaði sjó og rak jafnframt smábúskap og lét
þetta tvennt fylla hvort annað upp og höfðu
þannig til hnífs og skeiðar.
Þetta voru síðustu leifarnar af ævagömlu fyrir-
komulagi, því að enda þótt raunveruleg sjómanna-
stétt sé ekki gömul, þá er aftur á móti sjómennsk-
an jafngömul þjóðinni sjálfri og miklu eldri þó,
því að forfeður vorir í Noregi voru sjóbændur
sem þekktu sjóinn í norðurhöfum, þekktu bjarg-
ræði hans og um leið áhættuna sem taka varð til
að ná því. Þá áhættu þorðu þeir að taka þótt þeim
SJÓMANNADAGSBLAÐIÐ 3