Eimreiðin - 01.01.1954, Blaðsíða 94
74
LEIKLISTIN
eimreiðin
anna. Glæsileg salarkynni Þjóð-
leikhússins ein laða að sér
áhorfendur, þægileg sæti, hreint
loft, rúmgóðar fatageymslur,
olnbogarúm í leikhléum á vist-
legum hliðargöngum, allt þetta
eru óþekktir hlutir í Iðnó. Samt
hafa Reykvíkingar fjölsótt sýn-
ingar eins og Marmara, Vesal-
ingana og nú síðast Mýs og
menn, veigamikil leikrit, sem
kref jast skynsamlegrar íhugun-
ar, lyfta áhorfendum með sér í
stað þess að dilla þeim með
kitlum gamanleiksins. Það er
þessi sýning, sem vekur til um-
hugsunar um Bæjarleikhús —
forustuhlutverki Leikfélagsins
er ekki lokið fyrr en það hús
hefur verið reist. Hver veit
nema Þjóðleikhúsið taki þá
hlutdeild í því hlutverki, sem
því bar frá upphafi.
Mýs og menn er nýtízkulegt
leikrit. Ef til vill er það ekki
mjög gott leikrit í þeim skiln-
ingi, að það haldi gildi sínu um
langan ókominn tíma. Ef til vill
verður það fallið í gleymsku
eftir 50 ár. En það talar beint
til nútíðarmanna með tungu-
taki, sem þeir skilja, hranalega
stundum, óvægið, en undir niðri
með sterkum klið lífsvonar og
trúar á manngildið, jafnvel þó
sýnist misheppnað. Með aðal-
hlutverkin fóru þeir Brynjólfur
Jóhannesson og Þorsteinn Ö.
Stephensen, þá félaga Georg og
Lenna, en Ema Sigurleifsdóttir
lék eina kvenhlutverkið í leikn-
um. Ekki vekur það furðu, þó
að þessir leikendur leystu sig
vel af öllum vanda, en hitt var
meira um vert, að leikstjóran-
um, Lárusi Pálssyni, hafði tek-
izt að sameina sundurleita og
lítt reynda starfskrafta félags-
ins til átaks, sem lengi mun í
minni haft. Heildarsvipurinn,
samleikurinn, var aðall þessar-
ar sýningar.
Þá er hringferðin á enda. Hún
hefur kostað nokkuð. í Þjóðleik-
húsinu kostar aðgöngumiðinn
kr. 35.00, en myndi kosta kr.
56.00, ef hið opinbera greiddi
ekki niður söluverðið um 60%
samkvæmt greinargerð Þjóð-
leikhússtjóra í október í fyrra.
Aðgöngumiðasala nam alls kr.
3.370.000, hlutur af skemmtana-
skatti kr. 1.300.000 og auka-
fjárveiting Alþingis rétt fyrir
jól kr. 700 þúsund. Hjá Leik-
félagi Reykjavíkur nemur nið-
urgreiðsla hins opinbera aðeins
5% af söluverði aðgöngumiða,
því að félagið skilar um eða yfir
helmingi styrks frá bæ og ríki
í skemmtanaskatt, þar af 40%
til reksturs Þjóðleikhússins.
Þetta öfugstreymi í fjármálum
listarinnar fer fram hjá okkur,
þegar við kaupum aðgöngumiða
okkar, en það er ekki úr vegi
að setja á sig fjármálin um
leið og við gerum kröfur okkar
til listarinnar í hvoru leikhúsi
fyrir sig.
L. S.