Eimreiðin - 01.07.1957, Page 56

208
EIMREIÐIN
og fólk ódýrt og bauðst meira en þurfti á þá bæi, þar sem
nóg og gott fæði var og viðurgerningur góður.
Reiðingar (klyfsöðlar) á áburðarhesta voru allir úr torfi.
Var nokkur vandi að rista reiðinga og þurfti þéttan og rót-
mikinn jarðveg. Ofan yfir undirtorfuna voru látnar 2 torfur,
sín hvorum megin, og var oft vaðmál eða strigi utan um þær,
Á þeim hvíldi klyfberinn, þvert yfir bak hestins, bogamyndað
tré, grópað í þvertré, er lágu á reiðingnum, en upp úr klyf-
beranum voru klakkarnir, sem baggarnir voru hengdir á,
hver svo sem flutningurinn var. Niður úr þvertrjám (er
hvíldu langsum eftir reiðingnum) voru þrjár ólar. Við þær
voru öðrum megin festar gjarðirnar, en hinum megin voru
móttökin, sem girt var með, og var þeim megin hringur á
gjörðunum. Voru þessi móttök, svo og ól sú, er gjörðin var
fest í, úr sterku nautsleðri, stundum þó úr snæri. Gjarðir voru
úr hrosshári eða togi, venjulega hrosshári, brugðnar og nokk-
uð breiðar. Reipi voru úr hrosshári, fléttuð, með ólarsilum
næst högldum, en hagldir voru venjulega úr tré (harðviði) og
boruð á 2 göt, stundum þó úr hvalbeini eða hornum (horn-
hagldir). Hrosshárið var kembt, spunnið á rokk, tvinnað og
svo fléttað. Hnappheldur, taumar og fleira var og unnið úr
hrosshári, togi og garðaló, en garðaló var ull sú, er datt af
fénu í húsum að vetri. Henni var safnað saman, hún hreinsuð
og unnið úr henni. Fátt fór til spillis. Ég kembdi oft og spann
hrosshár og fléttaði úr því, þótti það skemmtilegt og tilbreyt-
ing frá lærdómi og leikjum, enda unglingar þá látnir læra
alla algenga vinnu og heimilisiðn, sem mjög var í heiðri höfð-
Afurðir búsins voru mjög notaðar á allan hátt og ekkert
látið fara til ónýtis. Mikið var borðað af keti og mjólkurmat.
en einnig mikið keypt af rúgi, hveiti, hrísgrjónum, banka-
byggi og — því miður — afarmikið af kaffi og sykri. Var það
í rauninni hið eina, sem var notað óþarflega mikið á mörg'
um heimilum á þeim tíma. Slátur var afar mikið borðað,
einkum með mjólkurmat, svo og í morgunmat. Kaffi, með
smurðu brauði, var drukkið snemma morguns, morgunverð-
ur var klukkan 10, kaffi með sykri um hádegið, miðdegiS'
verður klukkan 3, eftirmiðdagskaffi klukkan 5 og oft auka-
kaffi síðar, kvöldmatur, flóuð mjólk og smurt brauð, klukkan