Ægir - 01.10.1983, Blaðsíða 22

Bandaríkjamenn fluttu inn 1,01 milljón tonna af
fiski til manneldis á s.l. ári, að verðmæti um 3,2 mill-
jarðar US$. Hefur verðmæti innfluttra sjávarafurða
aldrei verið meira og miðað við árið á undan var
hækkunin 6%, þrátt fyrir að heildarmagnið hefði
minnkað um 2%. Fiskneysla á hvern íbúa Bandaríkj-
anna var 5,58 kg á s.l. ári og hafði minnkað um 4,6%
frá fyrra ári. Aðalástæðan fyrir minni neyslu á sjávar-
afurðum nú er stórminnkuð neysla á túnfiski.
A s.l. ári varð heildarafli erlendra fiskiskipa innan
fiskveiðilögsögu Bandaríkjanna rúmlega 1,4 mill-
jónir tonna og hafði dregist saman um 14% frá 1981.
Um þessar mundir er unnið að því að auka samvinnu
milli erlendra verksmiðjuskipa og bandarískra fiski-
manna, sérstaklega á miðunum úti af austurströnd-
inni og Alaska.
A undanförnum árum hefur mikil aukning átt sér
stað í fiskiskipaflota Bandaríkjamanna. Hefur rúm-
lestatala fiskiskipa sem eru yfir 100 brl. að stærð vaxið
úr 186.000 brl. áárinu 1969, í 541.000 brl. ás.l. ári. Á
milli áranna 1981 og 1982 fjölgaði fiskiskipum um
600, miðað við skip sem eru skráð stærri en 5 brl. og
er heildarfjöldi fiskiflotans nú talinn vera um 19.500
skip. Til samanburðar má geta þess að í desember
1982 var heildarrúmlestatala íslenska fiskiskipaflot-
ans um 110.000 brl. og fjöldi fiskiskipa 840.
Á s.l. ári fóru hinir 17 (16) stóru skuttogarar okkar
í 320 (324) veiðiferðir og öfluðu samtals 61.056,8
(65.331,2) tonn, eða að meðaltali 190,8 (201,6) tonn
í veiðiferð og 12,7 (13,6) tonn á úthaldsdag. Áætlaður
togtímafjöldi stóru togaranna var 53.088 (52.659)
klukkustundir og togafjöldi 20.106 (20.041). Meðal-
afli í togi er áætlaður 3,04 (3,26) tonn og á togtíma
varð aflinn að meðaltali 1,15 (1,24) tonn.
84 (75) skuttogarar af minni gerðinni, þ.e. þeir sem
mældir eru undir 500 brl., fóru í 2.360 (2.300) veiði-
ferðir og öfluðu samtals 269.617,5 (276.527,5) tonn,
eða að meðaltali 114,2 (120,2) tonn í veiðiferð og 10,4
(11,5) tonn á úthaldsdag. Áætlaður togtímafjöldi
minni togaranna var 292.523 klst. og veiði á togtíma
0,922 tonn.
(Tölur innan sviga eru frá 1981).
Ákveðið hefur verið að NOR-FISHING sjávarút-
vegssýningin 1984 verði haldin í Þrándheimi dagana
6.-12. ágúst. Flestum íslendingum sem við sjávarút-
veg vinna eru þessar sýningar orðnar að góðu kunnar,
en þær hafa verið haldnar annað hvert ár og er sú sem
haldin verður næsta sumar hin tíunda í röðinni. Hafa
allar sýningarnar verið haldnar í Þrándheimi, utan
1978 að hún var haldin í Osló. í fyrra tóku þátt í sýn-
ingunni 231 fyrirtæki, sem stóðu fyrir kynningu á
framleiðslu og þjónustu 407 aðilja af 18 þjóðernum-
Yfir 20.000 fulltrúar úr sjávarútvegi fleiri en 40 landa
komu á sýninguna. Nokkrir erfiðleikar hafa verið þvi
samfara að fá inni á hóteli í Þrándheimi eða nágrenm
meðan sýningar þessar hafa staðið yfir, en menn gera
sér vonir um að þeir erfiðleikar verði að mestu að
baki, þegar að opnun sýningarinnar 1984 kemur, þar
sem verið er að byggja þrjú ný hótel í Þrándheimi.
sem koma til með að hafa hótelrými fyrir um 1.000
gesti. Allar frekari upplýsingar varðandi ferðir og
hótel er hægt að fá frá „Tvete Travel Agency“ 1
Þrándheimi.
•
Deilurnar milli hinna sjálfskipuðu frelsara allra
hvalastofna í heiminum með meiru, grænfriðunganna
og þeirra er stunda hvalveiðar, nú aðallega Japana og
Norðmanna, harðna stöðugt. Eru hinir ofstækisfullu
grænfriðungar ósparir á hótanir, eins og okkur íslend-
ingum er manna kunnugast, en það reyndist þessum
ofstækismönnum létt verk að kúga okkur til undir-
gefni.
Það nýjasta er, að grænfriðungar hafa tekið upp a
því að líkja hvalveiðimönnum við morðingja og þeirn
er neyta þessara afurða við mannætur. Rökstyðja þeú
þessa skoðun sína með fullyrðingum um að hvalir haf>
komið sér upp samskiptatáknmáli og væri okkur
mönnunum nær að læra tungutak hvala en veiða þa-
Japanir hafa ekki enn áttað sig á hvaðan á þa
526 - ÆGIR