Ægir - 01.12.1986, Blaðsíða 42

heldur til þess að greiða niður skuldabagga
undangenginna tapára. Ljóst er að mörg fyrir-
tæki sem eru burðarásar í atvinnulífi fjölda
byggðarlaga, eiga við mikla rekstrarerfiðleika
að stríða, ogglíma nú bankarog lánasjóðir við
málefni þeirra. Lenging lánstfma og skuld-
breyting lausaskulda er bráðnauðsynleg, en
nær þó skammt ef rekstrarskilyrðin vantar.
Fiskmat
45. Fiskiþing leggurtil að hlutverk Ríkismats sjáv-
arafurða verði einungis að skera úr um ágreining
sem upp kann að koma um mat á ferskum fiski og
útflutningsmat.
Ferskfiskmat skal framkvæmt í hverri verstöð.
Sjómenn, útgerðarmenn og fiskkaupendur komi
sér saman um með hvaða hætti það skuli gert.
Samræmdum matsskýrslum skal skilaðtil Fiskifé-
lags íslands, til úrvinnslu.
45. Fiskiþing telur að frumvarp það er nú liggur
fyrir, varðandi Ríkismat sjávarafurða, gangi alltof
skammt og leggur því til að Ríkismat sjávarafurða
verði lagt niður, í núverandi mynd.
Fisk- og laxeldi
Nefndin fékk þær upplýsingar að starfandi væri
nefnd skipuð af forsætisráðherra, er vinni að fram-
tíðarskipan fiskeldismála.
Nauðsynlegt er að kveða á um undir hvaða ráðu-
neyti þessi nýja atvinnugrein heyri. Hér er gerð til-
laga um að sjávarútvegsráðuneytið fari með þessi
mál enda vafalaust að fiskeldi á samleið með sjávar-
útvegi í mörgum atriðum þ.á m. í markaðsmálum
og fóðuröflun.
Þó vill Fiskiþing vara við skipulagslitlum fjárfest-
ingum í seiðaeldisstöðvum. Allar líkur benda til að
erlendir aðilar kaupi ekki seiði frá íslandi í þeim
mæli sem framleiðslugeta stöðvanna er nú þegar
orðin.
Leyfi til veiða á skarkola,
rækju og hörpudiski í Faxaflóa
45. Fiskiþing leggur til að við úthlutun veiðileyfa
á skarkola í Faxaflóa, rækju og hörpudiski, verði
horfið frá því að binda kvóta við tilteknar vinnslu-
stöðvar.
Stjórnun fiskveiða
45. Fiskiþing telur að ekki eigi aö gera breytingar
á núgildandi lögum um stjórnun fiskveiða, sem
gilda eiga til ársloka 1987.
Fiskiþing telur nauðsynlegt að ný ríkisstjórn hefji
þegar næsta vor viðræður við hagsmunaaðila um
hvaðtakaeigi við þegar núgildandi lögfalla úrgildi.
Samningar við Grænlendinga
45. Fiskiþing vekur athygli á og lýsir áhyggjum
yfir að samkomulag hefur enn ekki tekist við Græn-
lendinga um nýtingu sameiginlegra fiskstofna þ.e.
á karfa- og loðnustofninum. Nú selja Græn-
lendingar Evrópubandalaginu, Japan og Færey-
ingum veiðirétt í þessa stofna á sama tíma og karfa-
stofninn er talinn fara minnkandi og loðnustofninn
er fullnýttur af þeim þjóðum sem ávallt hafa veitt
þennan stofn. Meðan ástand þetta varir telur Fiski-
þing að takmarka eigi rétt þeirra, sem þessar veiðar
stunda til þess að sækja þjónustu aðra en neyðar-
þjónustu til hafna hér á landi, en á þeim rétti byggist
möguleiki þeirra til veiða að verulegu leyti. Sömu
takmarkanir telur Fiskiþing að eigi einnig að ná til
Grænlendinga meðan samningar takast ekki.
Mikilvægi starfsemi Fiskifélagsins
45. Fiskiþingtelurað þau mikilvægu verkefni sem
Fiskifélagið vinnur fyrir sjávarútveginn verða ekki
betur unnin annars staðar. Þá telur Fiskiþing að ef
dregið verður úr starfsemi Fiskifélags íslands er hætt
við að sú samstaða sem tekist hefur að ná í gegnum
deildir félagsins, fjórðungsþing og Fiskiþings, legð-
istaftil óþurftarfyriralla, sem aðsjávarútvegi vinna.
Milliþinganefnd
45. Fiskiþing leggur til að milliþinganefnd sem
kjörin var á 44. Fiskiþingi haldi áfram störfum og
skili af sér tillögum um lagabreytingar fyrir næsta
Fiskiþing.
Haft skal samráð við sjávarútvegsráðuneytið.
Æskilegt er að milliþinganefndin hafi aðgang að
starfsmanni frá Fiskifélagi íslands.
Dragnótaveiðar
45. Fiskiþing telur að enn liggi ekki fyrir nægileg
reynsla af þeim breytingum sem gerðar voru á
dragnótaveiðum 1984 til að ákveða breytingar á
framkvæmd þeirra, og því verði á næsta ári fylgt
sömu meginreglum og gilt hafa.
742 -ÆGIR