Tímarit lögfræðinga - 01.12.1951, Blaðsíða 8

222
Tímarit l'óyf ræöinga
setaefni eða fleiri fá fleiri atkvæði en nokkurt annað, en
jafn mði'g innbyrðis. Ætla verður, að þá skuli hæstiréttur,
slcv. 11. gr. laga nr. 36 1945, með hliðsjón af 119. gr. kosn-
ingalaga 80 1942, varpa hlutkesti um það, hver hljóta skuli
kosningu, og fái sá, er ofan á verður, kjörbréf.
8. Kjörtímabil forseta hefst 1. ágúst og endar 31. júlí
að fjórum árum liðnum. Forsetakjör fer fram í júní eða
júlímánuði það ár, er kjörtímabil endar, sbr. 6. gr. stjskr.
Kjördagur er nánar ákveðinn í lögum nr. 36 1945, 3. gr.,
þar sem segir, að forsetakjör skuli fara fram síðasta
sunnudag í júnímánuði fjórða hvert ár.
Nú deyr forseti eða lætur af störfum áður en kjörtima
hans er lokið, og skal þá kjósa nýjan forseta til 31. júlí á
fjórða ári frá kosningu, sbr. 7. gr. stjskr., og ákveður for-
sætisráðherra þá kjördag innan árs frá því, að embættið
varð laust, sbr. 3. gr. laga nr. 36 1945. Er í lögunum ber-
um orðum tekið fram það, sem augljóst er skv. stjskr., að
hið nýja kjörtímabil miðast við þá kosningu, og er ætlazt
til, að það verði sem næst fjórum árum. Vitanlega er ætl-
unin sú, að forðast sé að 'hafa forsetakosningar að vetrar-
lagi, og á það að vera auðvelt, þar sem fresturinn er svo
langur.
IV.
Forsetinn vinnur eið eða drengskaparheit að stjórnar-
skránni, er hann tekur við störfum. Af eiðstaf þessum eða
heiti skal gera tvö samhljóða frumrit. Geymir Alþingi ann-
að, en þjóðskjalasafnið hitt, sbr. 10. gr. stjskr.
1) Ekki er alveg öruggt, undir hvers úrskurði það er
komið, hvort forseti skuli vinna eið eða drengskaparheit.
Sennilegast er, að þetta sé eingöngu komið undir ákvörð-
un hans sjálfs, en hugsanlegt væri þó, að fara beri eftir
þeim almennu reglum, sem um slíkar staðfestingar gilda
almennt, og er þá eðlilegast að fylgja fyrirmælunum í 134.
gr. einkamálalaganna nr. 85 1936, og mundi þá hæstiréttur
ákveða þetta.
2) Ef forseti fengist ekki til að vinna eið eða dreng-